पुष महिनाको पहिलो दिन आज पुष १ गते सुनको मुल्य तोलामा ८ सय रुपैंयाले बृद्धि भएको छ ।
हिजो तोलामा ९२ हजार ३ सय मा कारोबार भएको सुनको मुल्य आज ८ सय रुपैंयाले बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन तोलाको ९३ हजार १ सय र तेजावी सुन तोलाको ९२ हजार ६५० मा कारोबार भैरहेको छ ।
सुनको मुल्य बढ्दा चाँदीको मुल्य पनि बढेको छ । मंसिर २५ गतेदेखि एउटै मूल्यमा कारोबार भएको चाँदीको मुल्य तोलामा ३० रुपैंया बढेर १२ सय ३० मा कारोबार भैरहेको छ ।