आइतबार प्रदेश १ को मोरङ पुगेर पूर्वमन्त्री गोकुल बाँस्कोटाले भने । सत्तारुढ नेकपा केन्द्रीयसमेत रहेको बाँस्कोटाले यो सुझाव कसलाई दिएका हुन् खुलाएनन्, तर बुझ्न भने कठिन थिएन ।
पत्रकारहरूले नेकपा प्रवक्ता नारायणकाजी श्रेष्ठको पछिल्लो आर्थिक लेनदेनवाला भिडियो प्रकरणबारे सोधेको प्रश्नमा उनले यस्तो बताएका हुन् । पूर्वसांसद कमानसिंह लामाको लेनदेन प्रकरणमा नेकपा प्रवक्ता श्रेष्ठ विवादमा मुछिएको सम्बन्धमा बास्कोटाले आफूबाट सिक्न आग्रह गरका हुन् ।
‘आदर्श नेताले मबाट सिके हुने ! कम्तिमा मेरोजति गरिदिएको भए राम्रो हुन्थ्यो होला । मेरो विषयमा आरोप लागेपछि मैले ४८ घण्टा नबित्दै राजिनामा दिएँ तर मबाट सिक्नुस् भनेर म आदर्शवान नेताहरूलाई कसरी भन्न सक्छु र ?’
सुरक्षण मुद्रण खरीद प्रकरणमा ७० करोडको अडियो प्रकरणमा मुछिएपछि मन्त्री पदबाट राजीनामा बाँस्कोटाको आसय श्रेष्ठले पनि राजीनामा दिनपर्छ भन्ने थियो । उनले त्यसलाई पुष्टि गर्न पूर्वसभामुख कृष्णबहादुर महरालाई समेत सम्झिए । आरोप उठ्नासाथ आफू र पूर्वसभामुख महराले छानबिनका लागि बाटो छोडिएको स्मरण गर्दै बास्कोटाले प्रश्न उठेपछि छानबिन गर भन्न सक्नुपर्ने जिकिर गरे ।
बाँस्कोटा प्रकरण
सरकारका तत्कालिन प्रवक्तासमेत रहेका सञ्चार तथा सूचना प्रविधि मन्त्री गोकुलप्रसाद बाँस्कोटाले सेक्युरिटी प्रेसको कमिसन प्रकरणमा नेपाली एजेन्टसँग कमिसन मागेको अडियो सार्वजनिक भएको थियो । प्रेस स्थापनाका लागि एक स्वीस कम्पनीका नेपाली एजेन्टसँग बाँस्कोटाले करोडौं कमिसन मागेको अडिओ टेपमा देखिन्छ । अडियोले प्रस्टै बोल्छ— बाँस्कोटाले सेक्युरिटी प्रेसका एजेन्टसँग कमिसनको मोलतोल गरेका छन् । आफूलाई कति पैसा आउँछ भनेर हिसाब सोधेका छन् । कमिसन बढाउन मुलुकलाई थप भार पर्ने गरी लागत एक अर्ब बढाउन भनेका छन् ।
श्रेष्ठ नैतिकताका आधारमा राजीनामा दिएर छानबिनका लागि आह्वान गरेको भए हुन्थ्यो । तर यहाँ नैतिकताको कसले ख्याल गर्छ र ? अनि छानबिन पनि कसले गर्छ र ? बरु एकले अर्कालाई बचाउने र गिराउने काममा तल्लीन छन् नेताहरु । कसबाट कसले के सिक्ने ?
अडियो सार्वजनिक भएपछि बाँस्कोटाले आफूले कुनै गल्ती नगरेको जिकिर गरेका थिए । खाएको विषमात्रै लाग्ने भन्दै उनले भने, ‘खाएको विष लाग्छ, नखाएको विष लाग्दैन । साथै उनले दोषी ठहर भए सजाय भोग्न तयार रहेकोसमेत प्रतिक्रया दिएका थिए । सोही प्रकरण बाहिरिएपछि उनले मन्त्री पदबाट राजीनामा दिए ।
तर उनीमाथि कुनै निष्पक्ष छानबिन भएन र कारबाही हुने कुरै भएन । त्यो बेला बाँस्कोटो निर्दोष रहेको भन्दै प्रधानमन्त्री केपी शर्मा ओलीले समेत सार्वजनिक प्रतिक्रिया दिए ।
हाल उक्त प्रकरण लगभग सेलाइ सकेको छ । तर उक्त अडियोले बाँस्कोटाको परिचय नै फेरि दिएको छ । कमिसन लिएकै नभए पनि उनले माग गरेको स्पष्ट छ । हाल सामाजिक सन्जालमा उनको नाम लिनेवित्तिकै ७० करोडको चर्चा हुन्छ । यसको पुष्टि उनले सामाजिक सन्जाल फेसबु वा ट्वीटरमा गरेको पोष्टमा मानिसहरुले गरेका कमेन्टले गर्छ । उनीबाट के सिक्ने ?
महराको अडियो र भिडियो
२०६७ सालमा तत्कालीन माओवादी नेता कृष्णबहादुर महराको एउटा गम्भीर अडियो सार्वजनिक भएको थियो । उक्त अडियोमा उनले चिनियाँ व्यापारीसँग पुष्पकमल दाहाल प्रचण्डलाई प्रधानमन्त्री बनाउन चाहिने थप ५० जना सांसद किन्न ५० करोड रकम मागेका थिए । महराले भने तोडमरोड गरेर उक्त टेप बनाइएको स्पष्टीकरण महराले दिए । तर छानबिन कसैले गरेन । उनले पनि उन्मुक्ति पाए ।
तर त्यसपछि आएको उनको भिडियो प्रकरणले भने उनलाई जोगाउन सकेन । सभामुख रहेकै अवस्थामा संसद सचिवालयकै एक कर्मचारीमाथि यौन दुर्व्यवहार गरेको भिडियो सार्वजनिक भएको थियो । त्यसले उनलाई थुनासम्मै पुर्यायो । सभामुख पद पनि गुम्यो । राजनीतिक क्यारिअरमा धक्का लाग्यो । उनीबाट के सिक्ने ?
नारायणकाजी प्रकरण
यस्तै आर्थिक लेनदेनकै विषयमा नेकपा प्रवक्ता नारायणकाजी श्रेष्ठको अडियो र भिडियो सार्वजनिक भयो । कमानसिंह र नारायणकाजीवीच करोडौं रुपैयाँको कारोबारबारे कुराकानी भएको त्यसमा देखिएको । सुनिएको छ । मिडियामा सार्वजनिक भएको अडियो-भिडियोमा पूर्वराजदूत लामा र हाइड्रो व्यवसायीसमेत रहेकी श्रेष्ठकी स्वकीय सचिव कर्माचार्यवीच आर्थिक लेनदेनसम्बन्धी विवाद रहेको र सो विवाद मिलाउन नारायणकाजीले मध्यस्थता गर्न खोजेको देखिन्छ ।
यसमा श्रेष्ठको प्रत्यक्ष लेनदेनको विषय खुलेको छैन । अनुसन्धान गर्दा खुल्थ्यो । तर अनुसन्धान कसले गरिदिने ? कसले गर्नदिने ? काजीको बचाउमा नेकपा अध्यक्ष दाहाल नै लागिपरेका छन् । आइतबारको स्थायी समिति बैठकमा दाहालले श्रेष्ठको बचाउ गरेका हुन् ।
केपी लाई गोकुल बाँस्कोटा निर्दोष लाग्छ, प्रचण्ड लाई नारायणकाजी, बाबुराम लाई रेशम चौधरी अनि देउवा लाई आलम निर्दोष लाग्छ। नेपाली राजनिती म मेरो गुट अनि पार्टी भन्दा माथी कहिल्यै उठ्न सकेन।
श्रेष्ठ अहिले कुनै सरकारी कार्यकारी पदमा छैनन् । पार्टीको प्रवक्ता र राष्ट्रियसभा सदस्य छन् ।
लेनदेनको अडियो भिडियो बाहिर आइसकेपछि उनले पनि छानबिनमा सघाउँन पार्टी प्रवक्ताबाट राजीनामा दिनुपर्ने बास्कोटाको आसय हो ।
बास्तावमा हो, श्रेष्ठले नैतिकताका आधारमा राजीनामा दिएर छानबिनका लागि आह्वान गरेको भए हुन्थ्यो । तर यहाँ नैतिकताको कसले ख्याल गर्छ र ? अनि छानबिन पनि कसले गर्छ र ? बरु एकले अर्कालाई बचाउने र गिराउने काममा तल्लीन छन् नेताहरु । कसबाट कसले के सिक्ने ?