सुर्खेतमा एउटै विद्यालयका ११ सहित १७ जना शिक्षकमा कोरोना भाइरसको संक्रमण देखिएको छ ।
कर्णाली प्रदेश अस्पताल/पशुपन्छी रोग अन्वेषण प्रयोगशाला सुर्खेतमा गरिएको परीक्षणमा १७ जना शिक्षकमा संक्रमण पुष्टि भएको हो ।
‘आइतबार आएको रिर्पोटमा जिल्लास्थित १७ जना शिक्षकलाई लक्षणसहितको संक्रमण देखिएको छ,’ कर्णाली प्रदेश, जनस्वास्थ्य शाखा प्रमुख नवराज कँडेल भने, ‘उहाँहरु होम आशोलेनमा हुनुहुहन्छ, अवस्था सामान्य नै छ ।’
संक्रमित भएका व्यक्तिहरुको ठेगाना सार्वजनिक भने गरिएको छैन ।
आइतबार कर्णाली प्रदेशमा २१४ जनाको नमूना परिक्षण गर्दा ४४ जनामा कोरोना संक्रमण पाइएको छ । संक्रमितमध्ये सुर्खेतका १८ जना, रुकुम पश्चिमका ८ जना, दैलेख र सल्लायानका ६-६ जना, कालिकोटका २ र अन्य प्रदेशका ४ जनामा कोरोना संक्रमण पाइएको कर्णाली प्रदेश सामाजिक विकास मन्त्रालयले जनाएको छ ।