दरबारमार्गमा शनिबार दिँउसो एटिएम बुथ तोडफोड गरिरहेको अवस्थामा एक जनालाई प्रहरीले पक्राउ गरेको छ।
दरबारमार्गस्थित नेपाल इन्भेष्टमेन्ट बैंकको एटिएम बुथ तोडफोड गरिरहेको अवस्थामा काठमाडौं कपन बस्ने खोटाङ घर भएका ३० वर्षीय आनन्द तामाङलाई शनिबार दिउँसो प्रहरीले पक्राउ गरेको हो।
तामाङले उक्त एटिएम बुथ तोडफोड गर्दै गरेको अवस्थामा महानगरीय प्रहरी वृत्त दरबारमार्गबाट खटिएको प्रहरीले पक्राउ गरेको हो।
तोडफोडबाट बुथको दाँया भागको शिशा फुटेको र एक थान सिसिटिभिमा क्षति पुगेको छ ।
यस सम्बन्धमा प्रहरीले थप अनुसन्धान गरिरहेको जनाएको छ।
पछिल्लो समय एटीएम तोडफोडका घटनाहरु बढिरहेका छन् ।