सप्तरीमा आफ्नै घरअगाडी पार्किङ्ग गरेर राखेको पिकअप भ्यान जलेर पुर्णरुपमा नष्ट भएको छ ।
सप्तरीको विष्णुपुर गाउँपालिका–६ स्थित गोरगमाटोलमा शनिबार बिहान आफ्नै घरअगाडि पार्किङ्ग गरी राखिएको स.१च १७२५ नम्बरको पिकअप भ्यानमा आगजनी भएको हो ।
प्रहरीका अनुसार आगजनीबाट २४ लाख बढीको क्षति भएको छ ।
शनिबार बिहान करिब १ बजेतिर अपरिचित व्यक्तिले घर अगाडि राखिएको पिकअपमा पेट्रोल छर्केर आगजनी गरेको पीडित वेचन मुखियाले बताए ।
आगो स्थानीयबासी, प्रहरी तथा राजविराजबाट आएको बारुण यन्त्रको सहयोगमा नियन्त्रणमा आएको जिल्ला प्रहरी कार्यालय सप्तरीले जनाएको छ ।
उक्त भ्यानको अगाडीको भाग पुर्णरुपमा जलेर नष्ट भएको छ ।
व्यक्तिगत राजनीतिक रिसीभीका कारण पिकअपमा आगजनी गरिएको हुन सक्ने प्रहरीले बताएको छ । यसबारे थप आवश्यक अनुसन्धान कार्य भइरहेको प्रहरीले जनाएको छ ।