नेपालमा वितेको २४ घन्टामा कोरोना भाइरसको संक्रमणबाट ११ जना व्यक्तिले ज्यान गुमाएका छन् ।
योसहित नेपालमा कोरोनाबाट ज्यान गुमाउनेको संख्या १ हजार ६७४ पुगेको छ ।
स्वास्थ्य तथा जनसंख्या मन्त्रालयले शुक्रबार दिँउसो सार्वजनिक गरेको तथ्यांकअनुसार वितेको २४ घन्टामा ७ हजार ४१४ जनाको नमूना परिक्षण गर्दा ६३३ पुरुष र ४११ महिलासहित कूल १ हजार ४४ जनामा कोरोना संक्रमण देखिएको बताएको छ ।
योसहित कूल संक्रमितको संख्या २ लाख ४६ हजार ६९४ पुगेको छ । तीमध्ये २ लाख ३२ हजार ८७२ जना निको भएका छन् भने अहिले सक्रिय संक्रमितको संख्या १२ हजार १४८ रहेको छ । पछिल्लो अवधिमा १ हजार २७१ जना कोरोनामुक्त भएका हुन् ।
तथ्यांकलाई विश्लेषण गर्दा कूल संक्रमितमध्ये ९४ दशमलव ४ प्रतिशत निको भएका छन्, शुन्य दशमलव ६८ प्रतिशतले ज्यान गुमाएका छन् भने ४ दशमलव ९२ प्रतिशत संक्रमित उपचार वा आइसोलेशनमा रहेका छन् ।
मन्त्रालयले अहिलेसम्म १८ लाख २० हजार ६१८ जनाको नमूना परिक्षण गरेको जनाएको छ ।
पछिल्लो केही हप्तादेखि दैनिक परिक्षण संख्या ६ देखि ७ हजारको हाराहारीमा रहेको छ । परिक्षण संख्या बढ्नेहो भने दैनिक भेटिने कोरोना संक्रमितको संख्या पनि बढ्नेछ ।
र यो पनि पढ्नुहोस् :
काठमाडौं उपत्यकामा कूल संक्रमितको संख्या १ लाख १४ हजार नाघ्यो