साताको अन्तिम दिन अर्थात आज शुक्रवार नेपाली बजारमा सुनचाँदीको मुल्य स्थिर रहेको छ ।
केहीदिनदेखि निरन्तर घट्ने क्रममा रहेको सुनको मुल्य आज भने रोकिएर हिजो बिहीबारकै मुल्यमा कारोबार भैरहेको हो ।
भोली शनिबार पनि यही मुल्यमा सुनचाँदीको कारोबार हुनेछ ।
नेपाल सुनचाँदी व्यवसायी महासङ्घका अनुसार आज छापावाल सुन ९२ हजार ५ र तेजावी सुन ९२ हजार ५० मा कारोबार भैरहेको छ । त्यस्तै चाँदीको मुल्य पनि हिजोकै मुल्य अर्थात तोलाको १२ सय मा कारोबार भैरहेको महासङ्घले जनाएको छ ।
मंसिरमा महिनाको १५ गते तोलामा ९० हजारसम्म घटेको सुनको मुल्यपछि त्यसपछिका दिनमा सो भन्दा तल झरेको छैन ।
मंसिर महिनामा बढी विवाह समारोह हुने गर्दा सुनको कारोबार अन्य महिनाको तुलनामा बढी नै हुने गरेको छ ।
लकडाउनपछि सुस्त रहेको सुनबजार विस्तारै चलायमान हुन थालेको काठमाडौंको मैतिदेवीमा सुन पसल संचालन गर्ने सुवास लकान्द्रीले केटिएम दैनिकलाई बताए ।
