वरिष्ठ हास्य व्यंग्य कलाकार मनोज गजुरेलले दोस्रो विवाह गर्ने भएका छन् ।
गजुरेलले २०७४ सालमा श्रीमती मीना ढकालसँग डिभोर्स गरेका थिए । केही समययता गजुरेललाई विवाहका लागि परिवार, आफन्त र साथीभाइले सल्लाह र सुझाव दिँदै आएका थिए ।
करिब ३ वर्षदेखि ‘सिंगल लाइफ’ बाँच्दै आएका उनले नयाँ जीवनसाथी भेटेका हुन् । उनले विवाह गर्ने तयारी गरेपनि विवाहको मिती र बेहुलीको बारेमा भने गोप्य नै राखेका छन् ।
एक अनलाइनसँग कुरा गर्दै ढकालले भने ‘साथीभाइको शुभकामना, सल्लाह र सुझावअनुसार मैले नयाँ जीवन शुरू गर्न लागेको हुँ, अहिले यत्ति भनौं, अरू कुरा पछि थाहा भइहाल्छ ।’
कहिले हो त बिहे भन्ने प्रश्नमा गजुरेलले भने ‘अब नयाँ वर्ष कुरौं । २०७८ को कुनै महिना, त्यो पक्का भइसकेको छैन ।’
मीना र मनोजका एक छोरा र एक छोरी छन् । डिभोर्स हुँदा छोरा बुवासँग र छोरी आमासँग बस्ने सहमति थियो । तर, अहिले छोरा र छोरी दुवै बुवासँगै बस्छन् । छोरा मिरोज २३ वर्षका र छोरी मेमोरी १५ वर्षका छन् ।
गजुरेल हालै कोरोना संक्रमणमुक्त भएका छन् । १० कात्तिकमा कोरोना पुष्टि भएपछि घरमै आइसोलेसनमा बस्दा स्वास्थ्यमा समस्या आएपछि उनी सशस्त्र प्रहरीको अस्पतालमा भर्ना भएका थिए । अक्सिजन लेभल कम भएपछि उनले १९ दिन अस्पतालको आइसीयूमा बस्नुपरेको थियो ।
कोरोनामुक्त भएपछि उनले अनुहारमा खुशी देखिएका केही तस्विरहरु सामाजिक सञ्जालमार्फत शेयर गरेका थिए ।
कोरोना संक्रमणकै क्रममा अस्पतालमा उपचार गराइरहेका गजुरेलको स्वास्थ्यलाभको कामना गर्दै पूर्वपत्नी मीना ढकालले केहीसमय अगाडी सामाजिक सञ्जाल फेसबुकमा लेखेको एक स्टाटसले निको चर्चा बटुलेको थियो ।
र यो पनि पढ्नुहोस् :
पूर्वपतिको बिहे हुने भएपछि मीना भन्छिन् : “घरमा राजतन्त्र ल्याउन मन लाग्यो”