मुलुकका विभिन्न भागमा दिनहुँजसो हुन थालेको राजावादीहरुको प्रदर्शनमा संघीय लोकतान्त्रिक गणतन्त्रात्मक व्यवस्था र नेपालको संविधान २०७२ खारेजी अनि राजसंस्थाको पुनःस्थापना, हिन्दुधर्मसापेक्ष राज्य तथा संघीयता खारेजीको माग चर्कोरुपले उठ्न थालेको छ ।
जनआन्दोलनको झझल्को दिनेगरी प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवालगायतका शीर्ष नेताहरुकै जिल्ला तथा देशका मुख्य सहरहरुमा यस्ता आन्दोलनहरुले पछिल्ला दिनमा गति लिएका छन् ।
प्रधानमन्त्री केपी शर्मा ओलीको गृहजिल्ला झापामा राजावादीहरुले शनिबार बृहत् प्रदर्शन गरेका हुन् ।
राप्रपा झापाको आयोजनामा भएको प्रदर्शनका लागि जिल्लाका १५ वटै स्थानीय तहबाट नागरिकहरु पूर्वी नाका काँकडभिट्टामा भेला भएका थिए।
राजतन्त्र र हिन्दुराज्यको माग गर्दै आयोजना गरिएको प्रदर्शनमा जिल्लाका युवाहरुको ठूलो सहभागिता थियो।
रयालीको नेतृत्व गरेका राप्रपाका नेता तथा प्रतिनिधि सभा सदस्य राजेन्द्र लिङदेनले खाजा खुवाएर र तेल हालिदिएर जम्मा भएको भिड होइन, संघिता एक अभ्यास थियो र फेल खाईसक्यो अब संघियता खारेज अनि राजसंस्था स्थापना गरेर प्रत्यक्ष निर्वाचन प्रणालीबाट जनताले भोट दिएर प्रधानमन्त्री बनाउन पाउनु पर्ने बताए । उनले भने झापाबाट जनसागर उर्लियो अब यसैगरी काठमाडौं घेराउ गर्न जान तयार रहन जनसमुदायलाई तयार रहन भनेका छन् ।उनले सरकारलाई चेतावनीको भाषामा भने, ‘यो प्रदर्शन कास्टिङ मात्र हो। क्लाइमेक्स आउन बाँकी नै छ।’
काँकरभिट्टाबाट २ बजे सुरु भएको र्यालीमा हजारौं सहभागी भएका थिए । राप्रपाले दशौं हजारको सहभागिता गराउने पूर्व घोषणालाई सरदर पुरा गरेको मान्न सकिने गरिको र्याली थियो ।
करिव १७ किलो मिटर दुरी सम्मको र्यालीमा विर्तामोड आईपुग्दा सम्म पूर्व पश्चिम राजमार्ग अवरुद्ध भएको थियो । नेपाल प्रहरीको गाडीले र्यालीको अग्रभागमा स्कर्टिङ गरेको थियो । र्यालीमा गणतन्त्र मुर्दाबाद र राजतन्त्र जिन्दाबादको नारा लागेको थियो ।
सहभागी अधिकांशको मोटरसाइकलमा राष्ट्रि«य झण्डा बाँधिएको थियो भने राप्रपाको आफ्नै झण्डा समेत थियो ।
ठूलो संख्यामा सहभागीले ‘राजा आउ देश बचाउ, नारायणहिटी दरबार खाली गर’ लगायत नारा लगाएका थिए।
पछिल्ला दिनमा देशका विभिन्न स्थानमा प्रदर्शन हुँदै आइरहेका छन।
आजै मात्र चितवन, काठमाडौं लगायतका ठाँउमा पनि एकैदिन बृहत् प्रदर्शन भएको छ।
राष्ट्रिय झन्डा र पृथ्वीनारायण शाहको तस्वीरअंकित ब्यानरसहित युवाहरुले प्रदर्शन गरेका हुन।
सवै तस्विर : विनोद पाण्डे / आमसंचार डटकम
