पहिलो प्रेमलाई सबैले स्मरणीय प्रेम भन्ने गरेका छन् । प्रेम पहिलो पटक अनुभूत गरिने भएकाले कहिल्यै भुल्न नसकिने हुन्छ । जसरी सुरुवातमा पढेको क, ख, ग, घ र ए, बी, सी, डी अनि परिवारमा पहिले सिकेको संस्कार बिर्सन मिल्दैन, त्यसरी नै पहिलो प्रेम पनि बिर्सन सकिँदैन ।
धेरै जसो फस्ट लभ सफल हुदैँन । तर, कसै कसैकाे पहिलो प्रेम सुखद रहेको पाइन्छ । नेपाली फिल्मी क्षेत्रमा पनि त्यस्तो देखिएको छ । नेपाली केही यस्ता हिरोइनहरू छन्, जसले पहिलो प्रेम र त्यसपछिका प्रेममा असफल प्राप्त गरे ।
यसरी प्रेममा असफल हुने अविवाहिता ६ नेपाली नायिका
निता ढुङ्गाना :
पछिल्लो समयमा चकलेटी नायिका निता ढुङ्गाना र आमेष भण्डारीको जोडीलाई मिलेको जोडीको रूपमा परिचित थिए । आमेष र निताको ४ वर्ष लामो प्रेम सम्बन्ध दुई महिनाअघि झट्का आएको थियो । चाडै विवाह बन्धनमा बाँधिने घोषणा गरेको यी जोडीको सम्बन्ध राम्रो हुन सकेन । अहिले दुवै एक अर्कालाई भुल्ने प्रयास गरिरहेका छन् ।
नीता र आमेषको जोडीबिच आपसी असमझदारी र शङ्का कारण सम्बन्ध बिग्रेको हो । उनीहरू दुवैले अभिनय गरेको चलचित्र ‘फूलैफूलको मौसम तिमीलाई’देखि उनीहरूको विवाद उत्कर्षमा पुगेको थियो । त्यही विवाद बढ्दै गएपछि उनीहरू एक अर्कासँग छुट्टिएका छन् ।
मलिना जोशी :
सन् २०११ की नेपाल सुन्दरी मलिना जोशीको पनि प्रेम सम्बन्ध पनि टुटेको छ । ‘ऋतु’, ‘द वीनर’जस्ता फिल्ममा नायिका रहेकी मलिना र मोडल तथा नायक अनुपविक्रम शाहीबिच मलिना मिस नेपाल भएकै केही समयमै प्रेम सम्बन्ध जोडिएको बताइन्छ ।
उनीहरूको प्रेम सम्बन्ध टुटेको छ । खासै चर्चामा नआएको यो जोडीको ब्रेकअपका विषयमा गत वैशाखमा एक कार्यक्रममा राखिएको जिज्ञासामा मलिनाले आफूहरूबिच प्रेम नै नरहेको बताएकी थिइन ।
अनुपविक्रमले भने आफ्ना निकटकाहरू सँग मलिनासँग ब्रेक अप भएको बताउँदै आएका थिए । उनीहरूसँगै हिँड्ने र सँगै घुम्ने गरेका तस्बिरहरू पनि सामाजिक सञ्जालमा नछाएका होइनन् । अनुपविक्रम र मलिनाका आकर्षक सेल्फीहरु पनि मिडियामा देखिएका थिए । उनीहरूबिच प्रेम रहेको विषयमा आएका समाचारहरू न मलिनाले खण्डन गरिन न त अनुपले नै । अहिले उनीहरू दुवै अलगअलग रहेको बताइन्छ ।
नम्रता श्रेष्ठ :
चकलेटी नायिका रूपमा नम्रता श्रेष्ठको चर्चा हुन्छ । नम्रता पनि प्रेममा असफल हुने नेपाली हिरोइनमा पर्छिन् । उनको पहिलो प्रेम रेमनदास श्रेष्ठसँग रहेको कुरा सार्वजनिक भएको थियो । त्यो प्रेम सफल हुन सकेन । डिजे तान्त्रिक काण्डले उनको पहिलो प्रेम टुङ्गिएको बताइन्छ ।
उनलाई कतिपयले त इन्टेलेक्चुअल र सम्पन्न नायिकाका रूपमा पनि चिन्दै आएका छन् । अभिनयमा समेत प्रखर मानिने यी नायिकाको प्रेम सम्बन्ध डिजे तान्त्रिकसँगको स्क्यान्डलपछि धनाढ्य म्यानपावर व्यवसायी प्रेम घलेसँग जोडियो । प्रेम घलेसँगको प्रेम सम्बन्ध टुङ्गिएको चर्चा जति बेला आयो ठिक त्यहिबेला उनी स्टीभ दावा शेर्पाको प्रेमको परेको खबर सार्वजनिक भयो । पछिल्लो समय नम्रतामाथि धनाढ्य प्रेमी बनाउने नायिकाको आ रोप समेत लाग्ने गरेको छ ।
सुष्मा कार्की :
नायिका सुष्मा कार्की पनि प्रेममा असफल हुने नायिका हुन् । बर्दिया स्थायी घर भएकी यी नायिका एक समय निरन शाहीसँग गहिरो प्रेममा थिइन । सार्वजनिक रूपमा पनि निरन र सुष्माको जोडीको निकै चर्चा हुने गरेको थियो । कतिसम्म भने निरनको प्रेममा पागल प्रेमी बनेकी सुष्माले आफ्नो शरीरमा निरनको नामको ट्याटु समेत बनाएकी थिइन ।
[wpna_related_articles title=”My Optional Title” ids=”47166,46171″]
तीन वर्ष प्रेम सम्बन्धमा रहेको यो जोडी आपसमा विवाद बढेपछि २०७१ साउनमा एक अर्काबाट अलगिएको हो । सुष्माका प्रेमी निरन उनलाई सार्वजनिक स्थानमै कु’ट’पी’ट समेत गर्थे । सुटिङ होस वा रेष्टुरेष्टमा उनीहरूबिच कु’ट’पी’ट भएका खबरहरू खुबै आए । निरन्तर आफूलाई सार्वजनिक स्थानमै कु’ट’पी’ट गर्न थालेपछि सुष्माले निरनबाट ब्रेक अप लिएकी हुन् । त्यसअघि उनको नाम निर्देशक सुदर्शन थापासँग जोडिएर चर्चामा नआएको होइन ।
नम्रता सापकोटा :
नायिका नम्रता सापकोटा पनि प्रेममा बिछोडको पीडा झेल्ने नायिका पर्छिन् । एक समय उनको सागर श्रेष्ठसँग गहिरो प्रेम थियो । यो जोडीको २ वर्षसम्म प्रेम सम्बन्ध २०७१ सालको भदौतिर ब्रेकपअमा टुङ्गिएको थियो । आपसमा विचार नमिलेपछि र विवाद बढ्दै गएपछि नम्रता र सागर अलग भएका हुन् ।
कतिसम्म भने नम्रताले प्रेमीसँगका तस्बिरहरू सामाजिक सञ्जालमा पोस्ट गर्दै आफू सागरको प्रेममा पग्लिएको बताउँदै आएकी थिइन । ‘अन्तराल’बाट डेब्यु गरेकी नम्रतालवे झन्डै २ सय म्युजिक भिडियोमा अभिनय गरेको बताउँदै आएकी छिन् ।
जेनिशा केसी :
कुनै समय विराज भट्टसँग नाम जोडिएर चर्चामा आएकी नायिका जेनिशा केसीको पनि ब्रेक अप भएको छ । प्रेम सम्बन्धमा रहेकी यी नायिकाले आफ्नो ब्रेक अप भएको बताएकी छिन् । एक अनलाइनसँगको कुराकानीमा उनले आफ्नो ब्रेक अप भएको कुरा स्वीकार गर्दै विगतका पललाई नकोट्याउन आग्रह गरिन् । ‘भो विगतका पलहरूलाई नकोट्याऊ,’ उनले भनिन् ।
