भारतका चर्चित चलचित्र कलाकार रजनीकान्तले नयाँ पार्टी खोल्ने घोषणा गरेका छन्। विषेश गरेर तमिल सिनेमाबाट धेरै चर्चामा रहेका रजनीकान्तले आफूले नयाँ पार्टी खोल्न लागेको बिहीबार जानकारी दिएका हुन्।
उनले पार्टीको औपचारिक घोषणा भने यही डिसेम्बर ३१ तारिखका दिन गर्ने पनि बताएका छन्। तमिलनाडुमा निर्वाचन हुन लागेको पूर्व सन्ध्यामा उनले पार्टी खोल्ने र निर्वाचनमा जाने बताएका हुन्।
‘हामीले एउटा नयाँ राजनीतिक पार्टी गठन गरेर घोषणा गर्न लागेका छौँ, जनवरीदेखि दर्ता गरेर त्यसले काम गर्न थाल्ने छ, त्यस मार्फत हामीले अत्यन्त कडाइका साथ काम गर्नेछौँ,’ उनले भने।
सामाजिक सञ्जाल ट्वीटरमार्फत उनले दिएको जानकारीअनुसार पार्टी खोल्ने निर्णयमा पुग्नु अगाडि उनले धेरैसँग परामर्श गरेका थिए।
‘मैले पटक पटक विभिन्न व्यक्तिहरुसँग छलफलहरु गरेँ, उहाँहरुको सल्लाह सुझावलाई लिएर मैले पार्टी खोल्ने निर्णयमा पुगेको हुँ,’ उनले भनेका छन्। आफूलाई धेरैले सहयोग गर्ने भरोसा पलाएको र आवश्यकता पनि देखिएको कलाकार रजनीकान्तले उल्लेख गरे।
तमिलनाडुमा सन् २०२१ को अप्रिल देखि मे सम्म विधान सभा निर्वाचन हुने तय भएको छ। एएनआई
दक्षिण भारतीय फिल्म उद्योगमा रजनीकान्तलाई सबैभन्दा ठूलो सुपरस्टार मान्ने गरिन्छ ।
उनको फ्यान फलोइंग भारतमा मात्र नभइ विश्वभर नै रहेका छन् ।
उनले आफ्नो करिअरमा कयैन् फिल्ममा काम गरेका छन्, जुन बक्सअफिसमा पनि निकै सफल सावित भएका छन् । उमेरको यो चरणमा पनि उनी अभिनीत फिल्म रिलिज भएपछि बक्सअफिसमा सुपरहिट हुन धेरै समय लाग्दैन ।
साउथमा रजनीकान्तलाई मानिसहरु भगवानको रुपमा पुज्ने गरेका छन् । उनको जन्मदिनमा साउथका सबै स्कूल र कलेजमा छुट्टी हुने गरेको छ । उनले साउथसँगै ‘जीत हमारी’, ‘गंगवा’, ‘जोन जानी जनार्दन’, ‘महागुरु’, ‘वफादार’ लगायतका बलिउड फिल्ममा समेत काम गरिसकेका छन् । तर, धेरै यो जान्न उत्सुक छन् कि साउथका यति ठूला सुपरस्टारको मनपर्ने हिरो को होला ?