पछिल्लो २४ घन्टामा काठमाडौं उपत्यकामा ५६१ जनामा कोरोना भाइरसको संक्रमण पाइएको छ ।
स्वास्थ्य तथा जनसंख्या मन्त्रालयले बिहीबार अपरान्ह सार्वजनिक गरेको तथ्यांकअनुसार आज भेटिएका संक्रमितमध्ये पुरुषको संख्या ३११ र महिलाको संख्या २५० रहेको छ ।
देशभर कूल संक्रमितको संख्या २ लाख ३७ हजार ५८९ पुग्दा काठमाडौं जिल्लामा मात्र कूल संक्रमितको संख्या ८९ हजार २८८ पुगेको छ ।
उपत्यकामा तीन जिल्लामा अहिलेसम्म १ लाख ९ हजार ५४७ जनामा कोरोना भाइरसको संक्रमण पाइएको छ ।