दाङ तुलसीपुर घर भई भारतीय सेनामा कार्यरत एक युवाको एक हमलामा ज्यान गएको छ।

तुलसीपुर उपमहानगरपालिका वडा नं. ९ बेलुवाका ३० वर्षीय प्रेम केसीको मृत्यु भएको हो।

जम्मु कास्मिरमा कार्यरत केसीको समूहमाथि शुक्रबार बिहान ५ बजेतिर हमला भएको र अस्पताल लैजाँदै गर्दा उनको मृत्यु भएको जानकारी दिइएको छ।

प्रेमका दाजु तुलसी केसीले बिहान ९ बजेतिर भारतीय सेनाले घर परिवारलाई फोन गरी गो-ली लागेको भनेर खबर दिएको थियो।

तर परिवारका सदस्यले उनका साथीहरूलाई बुझ्दा मृत्यु भइसकेको भन्ने जानकारी दिएका थिए।

भारतीय सेनामा कार्यरत कुनैपनि नेपाली ज्यान गएपनि उनीहरुको श व नेपाल ल्याउन भने दिइदैन । परिवारलाई उतै वोलाएर उनीहरुको अन्तेष्टि गर्ने गरिएको छ ।