सत्तारुढ नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डका घरवेटी शारदा अधिकारीको शैलुङ इन्टरप्राइजेज कार्वाहीमा परेको छ ।
मल प्रकरणमा अधिकारीको कम्पनी दोस्रो पटक कार्वाहीमा परेको हो ।
भारतबाट रासायनिक मल ल्याउने ठेक्का पाएको अधिकारीको सैलुङ इन्टरप्राइजेजलाई कृषि सामाग्री कम्पनी लिमिटेडले दोस्रो पटक कारबाही गरेको छ ।
३० हजार मेट्रिक टन युरिया मल ल्याउन ठेक्का लिएको सैलुङ इन्टरप्राइजेजले तोकिएको समयमा ल्याउन नसकेपछि ठेक्का सम्झौता रद्ध गरेर धरौटीबापतको पाँच करोड ५६ लाख ४९ हजार रुपैयाँ जफत गरेको हो ।
कम्पनीका प्रवन्ध सञ्चालक नेत्रबहादुर भण्डारीका अनुसार सैलुङलाई कालोसूचीमा राख्न प्रक्रिया अघि बढाइएको छ । गहुँ र तोरीको लागि चाहिने ३० हजार मेट्रिक टन युरिया मल कात्तिक २४ गतेभित्र ल्याउनुपर्ने भए पनि नसकेपछि ठेक्का सम्झौता रद्ध गरेर धरौटी जफत गरिएको प्रबन्ध सञ्चालक भण्डारीले बताए ।
असार र साउन महिनामा धानमा हाल्ने मल ल्याउन नसकेर सैलुङले यसअघि पनि कारबाही भोगिसकेको छ ।
कात्तिक २४ गतेसम्म मल ल्याउनेगरी गत असार १८ गते सैलुङसँग कृषि सामग्री कम्पनीले सम्झौता गरेको थियो । तर दोस्रो पटक पनि तोकिएको समयमा मल नल्याएप्छि कार्वाही गरिएको हो ।