मंगलबार नेपालमा कोरोनाभाइरसको संक्रमणबाट २४ जनाको निधन भएको छ ।
स्वास्थ्य तथा जनसंख्या मन्त्रालयले मंगलबार अपरान्ह सार्वजनिक गरेको तथ्यांकअनुसार अहिलेसम्म कोरोनाबाट ज्यान गुमाउनेको संख्या १३ सय ६१ पुगेको छ ।
देशभर रहेका ७७ वटा प्रयोगशालामा १० हजार ८ सय ४३ जनाको नमूना परिक्षण गर्दा १ हजार ७९० जनामा कोरोना भाइरसको संक्रमण पाइएको मन्त्रालयले जानकारी दिएको छ ।
आज भेटिएका संक्रमितमध्ये पुरुषको संख्या १ हजार ६९ र महिलाको संख्या ७२१ रहेको छ ।
अहिलेसम्म कूल संक्रमितको संख्या २ लाख २४ हजार ७८ पुगेको छ जसमध्ये २ लाख ४ हजार ८५८ जना कोरोनामुक्त भएका छन् । पछिल्लो २४ घन्टामा २ हजार ७९१ जना कोरोनामुक्त भएका हुन् ।
सक्रिय संक्रमितको संख्या घटेर १७ हजार ८५९ मा झरेको छ । केही समयअगाडीसम्म यो संख्या ३५ हजार भन्दा बढी थियो ।
मन्त्रालयले अहिलेसम्म १६ लाख ८१ हजार २९९ जनाको नमूना परिक्षण गरेको बताएको छ ।
र यो पनि :