नेपालमा थप १६ जनाको कोरोनाबाट निधन भएको छ ।
स्वास्थ्य तथा जनसंख्या मन्त्रालयले आइतबार अपरान्ह सार्वजनिक गरेको तथ्यांक अनुसार गत २४ घन्टाबाट कोरोना रोगको संक्रमणबाट १६ जनाले ज्यान गुमाएका छन् भने निको हुनेको संख्या ५ हजार ६९९ रहेको छ ।
मन्त्रालय आज ८ हजार ३२ जनाको नमूना परिक्षण गर्दा १ हजार ६६९ जनामा संक्रमण पाइएको जनाएको छ । आज भेटिएका संक्रमितमध्ये पुरुषको संख्या १ हजार १४ र महिलाको संख्या ६५५ रहेको छ ।
अहिलेसम्म कूल कोरोना संक्रमितको संख्या २ लाख २० हजार ३०८ पुगेको छ जसमध्ये १ लाख ९९ हजार २४ जना कोरोनामुक्त भएका छन् भने १ हजार ३२१ जनाको निधन भएको छ ।
मन्त्रालयले अहिलेसम्म १६ लाख ६० हजार ७५ जनाको नमूना परिक्षण गरिएको बताएको छ ।
र यो पनि हेर्नुहोस् :
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
