वितेको २४ घन्टामा काठमाडौं उपत्यकामा तीन जिल्लामा १ हजार १०७ जनामा कोरोना भाइरसको संक्रमण पाइएको छ ।
स्वास्थ्य तथा जनसंख्या मन्त्रालयले शुक्रवार अपरान्ह सार्वजनिक गरेको तथ्यांकअनुसार आज भेटिएका संक्रमितमध्ये पुरुषको संख्या ६२३ र महिलाको संख्या ४८४ रहेको छ ।
योसहित काठमाडौंमा कूल संक्रमितको संख्या ८१ हजार ५८८ पुगेको छ जसमध्ये ७१ हजार ५९१ जना कोरोनामुक्त भएका छन्, ३१६ जनाले ज्यान गुमाएका छन् भने ९ हजार ६८१ जना अझै पनि सक्रिय संक्रमितकै अवस्थामा रहेका छन् ।
पछिल्लो समय काठमाडौं उपत्यका कोरोनाको जोखिममा रहेको छ । तिहार र छठ मान्न उपत्यकाबाहिर पुगेका मानिसहरु उपत्यकामा आउने क्रम सुरु भएसँगै संक्रमितको संख्या उकालो लाग्ने अनुमान गरिएको छ ।
र यो पनि पढ्नुहोस् ।