देशभर आज कोरोना भाइरसको संक्रमणबाट २२ जनाको निधन भएको छ ।
स्वास्थ्य तथा जनसंख्या मन्त्रालयले शुक्रवार अपरान्ह सार्वजनिक गरेको तथ्यांकअनुसार देशभर रहेका ७६ प्रयोगशालामा १० हजार ३४० जनाको नमूना परिक्षण गर्दा १ हजार ९४५ जनामा कोरोना भाइरसको संक्रमण पाइएको छ ।
त्यस्तै गत २४ घन्टामा ५ हजार ३६४ जना कोरोना भाइरसमुक्त भएका छन् ।
अहिलेसम्म कूल संक्रमितको संख्या २ लाख १६ जार ९६५ पुगेको छ जसमध्ये १ लाख ९१ हजार २ जना निको भएका ५न् भने १ हजार २९८ जनाले ज्यान गुमाएका छन् ।
आज भेटिएका संक्रमितमध्ये पुरुषको संख्या १ हजार २०५ र महिलाको संख्या ७४० रहेको मन्त्रालयले जनाएको छ ।
१२ जिल्लामा सक्रिय संक्रमितको संख्या ५ सय माथि
नेपालमा ७७ जिल्लामध्ये १२ जिल्लामा सक्रिय कोरोना संक्रमितको संख्या १२ रहेको छ । मनांङ जिल्लामा अहिले सक्रिय संक्रमितको संख्या शून्य रहेको छ ।
रेड जोनमा परेका जिल्लामा प्रदेश १ का झापा, मोरङ र सुनसरी बागमति प्रदेशका काठमाडौं, भक्तपुर, ललितपुर, चितवन र काभ्रे छन् भने गण्डकी प्रदेशमा कास्की मात्र रेड जोनमा परेको छ ।
त्यस्तै लुम्बिनी प्रदेशमा दाङ र रुपन्देही र सुदुरपश्चिम प्रदेशमा कैलाली मा सक्रिय संक्रमितको संख्या ५ सय वा सोभन्दा बढी रहेको छ ।