नेपालमा कोरोना भाइरसको खोप पहिलो चरणमा ६० लाख डोज आउने भएको छ ।
विश्वभर खतरनाक रोगविरुद्ध बालबालिकालाई खोप लगाउँने संस्था गाभी र खोप विकास, उत्पादन र विश्वव्यापी रूपमा समानुपातिक वितरणको अभियान कोभ्याक्सले जुनसुकै खोप बनेको खण्डमा पनि नेपाललाई ६० लाख डोज दिने प्रतिबद्धता जनाएको हो।
कोभ्याकसले राष्ट्रप्रमुखलाई पत्र लेखेर उक्त प्रतिबद्धता जनाएको स्वास्थ्य तथा जनसङ्ख्या मन्त्रालयले जानकारी दिएको छ।
मन्त्रालयका प्रवक्ता प्रा. डा. जागेश्वर गौतमले केही समयअगाडि कोभ्याक्सले खोप बनेको खण्डमा ६० लाख डोज उपलब्ध गराउने प्रतिबद्धता जनाएको बताएका छन् ।
२०१९ बाट विश्वव्यापी रूपमा फैलिएको कोरोना भाइरसको अहिलेसम्म कुनैपनि औषधी तथा खोप बनेको छैन ।