वितेको २४ घन्टामा नेपालमा नयाँ संक्रमित भन्दा निको हुनेको संख्या बढी छ ।
स्वास्थ्य तथा जनसंख्या मन्त्रालयले शुक्रवार अपरान्ह सार्वजनिक गरेको तथ्यांकअनुसार देशभर २ हजार १११ संक्रमित फेला पर्दा ३ हजार ५३७ जना निको भएका छन् ।
आज थप १३ जनाको निधन भएको छ ।
अहिलेसम्म कूल संक्रमितको संख्या २ लाख ६ हजार ३५३ पुगेको छ भने १ लाख ६८ हजार १२९ जना संक्रमणमुक्त भएका छन् ।
कोरोनाको कारण नेपालमा १ हजार २०२ जनाको निधन भैसकेको छ ।
अहिले सक्रिय संक्रमितको संख्या ३७ हजार २२ रहेको छ जसमध्ये काठमाठौं जिल्लामा संक्रमितको संख्या उच्च रहेको छ ।
मन्त्रालयले अहिलेसम्म १५ लाख ९३ हजार ८५० जनाको परिक्षण गरिएको बताएको छ ।
काठमाडौं उपत्यकामा मात्रै १२ सय ७ संक्रमित थपिए
काठमाडौं उपत्यकामा थप १२ सय ७ कोरोना संक्रमित देखिएको स्वास्थ्य तथा जनसंख्या मन्त्रालयले जनाएको छ । शुक्रबार संक्रमित पुष्टि हुनेमा ५ सय २६ महिला र ६ सय ८१ पुरुष रहेका छन् ।
काठमाडौंमा ९ सय १९, भक्तपुरमा १ सय ८ र ललितपुरमा १ सय ८० जना नयाँ संक्रमित थपिएका हुन् ।