नेकपा बिवाद उत्कर्षमा पुगेको छ । २०७४ दसैंताका नेकपा एमाले, माओवादी केन्द्र र नयाँ शक्तिले चुनावी गठवन्धनदेखि पार्टी एकता गरी ‘एकीकृत कम्युनिस्ट पार्टी’ गठन गर्ने घोषणा गरे । घोषणासँगै छबुँदे सहमति पनि ।
सहमतिपत्रमा एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल र नयाँ शक्ति पार्टीका अध्यक्ष बाबुराम भट्टराईले हस्ताक्षर गरेका थिए । सहमतिपत्रअनुसार पार्टी एकीकरणको वैचारित र संगठनात्मक काम पूरा नभएसम्म एकअर्काप्रति सार्वजनिक रूपमा नकारात्मक टिप्पणी र आलोचना गर्न निषेध गरिएको थियो ।
तालमेलको सहमतिपछि ओली दाहालको एउटै स्वर थियो । त्यो बेला ओलीले भनेका थिए , ‘हाम्रो चुनावी तालमेल कसैका विरुद्धमा छैन। नेपाल र नेपालीको पक्षमा छ। यसै दिशामा अगाडि बढ्नेछौं। ‘कोही डराउनु पर्दैन। सानो स्वार्थ ठूलो कुरा होइन, देश ठूलो हो। बराबरप्को आधारमा सम्बन्ध बनाउने हाम्रो चाहना हो।’
छबुँदे सहमतिमा तीनै पार्टीले मंसिरमा हुने प्रदेश सभा तथा प्रतिनिधि सभा निर्वाचनमा आपसी तालमेल गर्ने र निर्वाचन सकिएपछि विधिवत पार्टी एकता हुने उल्लेख थियो ।
अहिले सत्तारुढ नेपाल कम्युनिष्ट पार्टी (नेकपा) भित्रको निर्णायक बनेका वरिष्ठ नेता माधवकुमार नेपाल फेरी प्रधानमन्त्री बन्ने हल्ला चल्न थालेको छ। दुई अध्यक्षहरु केपी शर्मा ओली र पुष्पकमल दाहाल (प्रचण्ड) बीचको विवादमा उनी निर्णायक हुने प्रष्ट छ। ओली र दाहाल जस्लाई माधव नेपाल समूहले समर्थन गर्छ उही समूह निर्णायक र बलियो हुने भएकोले दुबै अध्यक्षहरु नेपाललाई आफ्नो समूहमा ल्याउन मरिहत्ते गरिरहेका छन्।
तर, तत्काल नेपाल केपी ओलीको समूहलाई समर्थन गर्न सक्ने अवस्था छैन। किनकी ओलीसँग पटक पटक सम्झौताको कार्यान्वयन नभएर आत्तिएका नेपाल प्रचण्डकै समूहमा रहने पक्का पक्की छ। त्यसो त अध्यक्ष प्रचण्डले डाकेको सचिवालय सदस्यको बैठकमा पनि नेपाल, झलनाथ खनाल सहभागी भएका थिए।
