कांग्रेस केन्द्रिय सदस्य एबम युबा नेता गगन थापाले अमेरिकी चुनावी परिणाम विश्व राजनीतिलाई फेरी उदार लोकतन्त्र, सहकार्य र बहुपक्षीयता तर्फ डोर्याउँने तर्फ अग्रसर भएको बताएका छन ।
अमेरिकि राष्ट्रपतिको निर्बाचनमा जो बाइडेन निर्बाचित भएपछी सामाजिक सञ्जाल मार्फत टिप्पणी गर्दै नेता थापाले यस्तो बताएका हुन । ७७ वर्षीय बाइडेनले सबभन्दा पाको उमेरमा राष्ट्रपति निर्वाचित हुने रेकर्ड पनि तोडेका छन्।
थापाले अमेरिकी चुनावी परिणामले विश्व राजनीतिलाई फेरी उदार लोकतन्त्र, सहकार्य र बहुपक्षीयता तर्फ डोर्याउँछ भन्नेमा विश्वास पलाएको उल्लेख गरेका छन ।
उनले नेपालका र अन्य तिरका पनि अनुदार,आत्मरतिमा अभिभूत नेता र सरकारलाई तह लगाउन प्रयत्नशील सबैलाई प्रेरित गर्नेछ भनेका छन ।
अमेरिकामा राष्ट्रपतीय निर्वाचनबाट ५३८ इलेक्टोरल कलेज प्रतिनिधिहरु छानिन्छन् । अमेरिकामा राष्ट्रपति बन्न २७० इलेक्टोरल भोट आवश्यक पर्छ ।बाइडेनले २९० भोट ल्याएर बिजयी भएका हुन् भने उनका प्रतिद्वन्दि डोनाल्ड ट्रम्पले २१४ भोट ल्याएका छन् ।