टेस्ट गरम, भन के छ बन्दोबस्त, कोरेर मेरो चित्र लगायत दर्जनौं हिट गीत दिइसकेका गायक बिश्व नेपालीको स्वरमा नयाँ म्युजिक भिडियोको छायांकन सकिएको छ। ‘आकासैको छानो मुनि बासाउँ एक सहर’ बोलको गीतमा बिश्वलाई अस्मिता परियारले साथ दिएकी छिन्। गीतको रिलिज २४ कार्तिक गते गर्ने बताइएको छ।
कानुनको विद्यार्थी रोचक जोशी यो भिडियो मार्फत डेब्यु गर्दै छन्। कानुनसँगै एभरेस्ट फिल्म एकेडेमीमा कलाकरिताको अद्ययन गरिरहेका रोचकको अभिनय र काम प्रतीकको लगाबले गर्दा उनलाई अर्को भिडियोका लागि समेत अनुभन्धित गरिसकेको निर्देश दिपेस सपाकोटले बताए।
बलिउडमा संघर्षरत नेपाली मोडल मुना गौचन लामो समय पछि नेपाली भिडियोमा कमब्याक गर्दै छिन। विभिन्न बिज्ञापन, म्युजिक भिडियो र केही फिल्ममा सहायक भुमिका गरेकी गौचन पछिल्लो समय मुम्बाइ बसेर आफ्नो कलाकरीता अगाडी बढाइरहेकि छिन्।
सम्भ्रान्त परिवारका युवा युवतीको प्रेम जिवनलाई फ्रेममा उतारेको निर्देशक सापकोटा बताउँछन्। गीतलाई उत्कृष्ट बनाउन करिब एक हप्ता लगाएर सुटिङ गरिएको सापकोटाले जानकारी दिए। नेपाली कलाकारीतामा कोभिड १९ को प्रभावसंगै ब्यवसायिक सफलता लिन गाह्रो भएको अवस्थामा ट्री इन्टरटेनमेन्टले कन्जुस्याइँ नगरी लगानी गरेको सापकोटाले बताए। गीतको प्रोडक्सन मदानी क्रीएसनले गरेको छ।
सङ्गीत निर्देशक आनन्द राई रहेको गीतको सङ्गीत सम्योजन गोपाल रसाइलीले गरेका छन्। गीतको शब्द डा. राजुबाबु श्रेष्ठले लेखेका हुन।