पदयात्रा पर्यटन व्यवसायीहरुको छाता संगठन टान पोखराको अधिवेशन सम्पन्न भएको छ । अधिवेशनले पर्यटन व्यवसायी धर्मराज पन्थीलाई प्रथम उपाध्यक्षमा निर्वाचित गरेको छ ।
पन्थीले आफ्ना प्रतिद्वन्दी जिवनराज सापकोटालाई पराजित गर्दै प्रथम उपाध्यक्षमा निर्वाचित भएका हुन् ।
टान पोखराको अध्यक्षमा यस अघिनै सुशीलराज पौडेल र सचिवमा मिलन तिवारी सर्वसम्मत निर्वाचित भैसकेका थिए ।
को हुन् धर्मराज पन्थी ?
सन् १९९६ देखी पर्यटन क्षेत्रमा पर्यटन कर्मीको रूपमा प्रवेश गरेर अत्यन्तै विषम परिस्थितिमा पनि पलायनको बाटो नरोजी नेपाली भूमिमा नै कर्म गर्नुपर्छ र देशकै आर्थिक उन्नतीमा टेवा पुग्नुपर्छ भन्ने मान्यता राख्ने पन्थीले द्धितिय उपाध्यक्ष्यको जिम्मेवारी सफलतापूर्वक बहन गरी सकेर प्रथम उपाध्यक्ष्यको पदका लागि चुनावी मैदानमा उभिएका थिए ।
पर्यटन व्यवसायको प्रवद्धनका क्रममा विभिन्न समयमा अमेरिका, क्यानाडा, युरोप, जापान तथा एसीयाका विभन्न देशहरूमा नेपालको पर्यटन र हाम्रो व्यवसायको प्रबर्धन गर्न उनले महत्वपुर्ण भुमिका खेलेका छन् । उनले भने, ‘पर्यटन कर्मीको रूपमा पर्यटन क्षेत्रलाई नै मेरो प्रमुख कर्तव्य संझेर आजका दिनसम्म पदयात्रा पर्यटन व्यवसायिको रूपमा स्थापित भएको छु ।’ अब अझ कृयशिल भएर अगाडी बढ्ने छु ।
सन् २०१४–१६ निर्वाचित कार्यसमिति सदस्य सन् २०१६–१८ निर्वाचित सह–सचिव (टान रजत जयन्ति वर्ष) सन् २०१८–२० निर्वाचित द्धितीय उपाध्यक्ष को जिम्मेवारी सम्हालेका पन्थीले जितेमा निम्न कार्य गर्ने उल्लेख गरे ।
• राष्ट्रिय तहमा हाम्रो विद्यमान पर्यटन नीति, नियम तथा संरचनामा परिवर्तन गर्न पहल गर्ने छु ।
• आधुनिक सुचना प्रविधिको प्रयोग गरी हामी व्यवसायि तथा हाम्रा मजदूरहरूलाई अन्तर्राष्ट्रिय बजारमा प्रतिशप्रर्धा गर्न सक्ने बनाउने छु
• पर्यटन व्यवसायी पलायन हुन नदिन थप सरोकार र समन्वय गर्नेछु ।
• विभिन्न सरोकारवालाको सहकार्यमा विभिन्न राहत प्याकेज तयार पार्नेछु ।
• नयाँ पदमार्ग खोज तथा भएका पदमार्गको संरक्षण तथा पूर्वाधार निर्माण गर्न पहल गर्ने छु।
• चर्चित तर मोटरबाटोले विस्थापित पदमार्गको बैकल्पिक मार्ग खोज तथा निर्माण गर्न लाग्ने छु।
• पदयात्रा र आरोहण सँगसँगै गर्नमिल्ने हिमालचुलिहरुको पहिचान गरि प्रवर्धन गर्न अगाडी बढ्नेछु। ।
• सबै साथिहरुको साथ मनोभावना बुझेर अगाडी बढ्नु साथै पर्यटनको क्षेत्रमा आइपरेका समस्याको उचित समाधान गर्न लाग्ने छु।