विर्तामोड नगरपालिका वडा नं. ५ का ६७ वर्षीय सनतकुमार ओलीको उपचारका क्रममा मृत्यु भएको छ ।

गएराती ११ बजे काठमाडौको हेम्स हस्पिटलमा ओलीको उपचारका क्रममा मृत्यु भएको परिवारले जनाएको छ ।

बिगत तीन सातादेखि कोरोनाका कारण बिरामी परेका ओलीलाई विपी कोईराला स्वास्थ्य विज्ञान प्रतिष्ठान धरानको कोभिड अस्पतालमा राखेर उपचार गरिएको थियो । त्यहाँ संभव नभएपछि काठमाडौ. लगिएको हो ।

बुद्धशान्ति गाउँपालिका जयपुर निवासी ओली केही वर्षदेखि बिर्तामोड ५ मा बस्दै आएका थिए ।

लामो समय शिक्षण सेवामा रहेका ओली आदर्श माध्यमिक विद्यालय जयपुरका पूर्व प्रधानाध्यापक हुन् ।

उनी ओली बंश समन्वय समितिका केन्द्रीय महासचिव समेत रहनु भएको थियो ।