प्रधानमन्त्री केपी शर्मा ओलीसँग नेकपाका कार्यकारी अध्यक्ष पुष्पकमल दाहाल प्रचण्डको भेटघाट पातलिएको छ । केहि दिनदेखि ओली दाहाल संवाद रोकिएको छ । दाहालको सचिवालयकाअनुसार कर्णाली प्रदेशमा देखिएको विवाद समाधान गर्ने विषयमा ओली दाहालले छुट्टा छुट्टै सर्कुलर जारी गरेपछि दुवै अध्यक्षका बीचमा कुनै संवाद भएको छैन।
ओली दाहाल भेटघाट नभएको १० दिन बढी भैसक्यो । तत्काल भेटघाटको कुने कार्यक्रम समेत छैन । खासगरी कर्णालीमा मुख्यमन्त्रीविरुद्ध अविश्वासको प्रस्ताव आएपछि अध्यक्षद्वको सम्बन्धमा चिसो आएको हो । त्यसपछि विकसित घटनाले समेत दूरी घट्नुको सट्टा बढाउँदै लग्यो । त्यसकै कारण बने रअ प्रमुख सामन्तकुमार गोयल । उनी सुटुक्क काठमाडौ. आए र प्रधानमन्त्री ओलीलाई बालुवाटारमै पुगेर भेटेर गए । यसले अविश्वास झन बढायो ।
अहिले ओलीले वरिष्ठ नेता माधवकुमार नेपालसँग भेटघाट बढाएका छन् । नेपालसँग एक्लाएक्लै कुराकानी हुनथालेपछि सत्तारुढ दल नेकपाभित्र नयाँ समीकरण बन्न लागेको हो की भन्ने अड्कलबाजी सुरु भएको छ।
दसैं अघि र दसैं टिका सकिए लगत्तै प्रधानमन्त्री ओलीले वरिष्ठ नेता नेपाललाई वालुवाटार बोलाएर दुई घण्टा बढी छलफल गरेका छन् ।
दाहालसँग खटपट परेपछि ओलीले नेपाललाई बोलाएर भेटघाट गरेका हुन् । प्रधानमन्त्री ओलीले वरिष्ठ नेता नेपालसँग मंगलबार दिउँसो भेटघाट गरेका थिए। गत कार्तिक ४ गते पनि प्रधानमन्त्री ओलीले वरिष्ठ नेता नेपालसँग बालुवाटारमा एक्लै छलफल गरेका थिए। त्यसअघि दुई नेताबीच साउन ९ गते मात्रै एक्लाएक्लै कुराकानी समेत भयो ।
एउटालाई च्याप्ने र अर्कोलाई ठोक्ने प्रधानमन्त्री ओलीको व्यवहारबाट नेताहरु आजित छन् । यस्तो अवस्थामा प्रधानमन्त्रीसँग मिलेर प्रचण्डलाई छाड्ने अवस्था छैन। आफूलाई अफ्ठ्यारो परेका बेला बोलाएर छलफल गरेजस्तो गर्ने र सहज भएपछि एकलौटि गर्ने ओलीको प्रवृत्ति नै भएको नेपाल निकट नेताले बताए।
बालुवाटार निकट स्रोतकाअनुसार प्रधानमन्त्री ओलीले वरिष्ठ नेता नेपाललाई पार्टीको आगामी नेतृत्वका लागि तयार रहन आग्रह गरेका छन् । ओलीले अबको नेता तपाई नै हो यसमा मेरो पूर्ण समर्थन, साथ र सहयोग रहने बताएका छन् । तर नेपाल भने अहिहले नै उकत कुरा मान्न तयार छैनन् ।
ओली दाहाल संवाद खुलाउने प्रयास
पार्टीका अध्यक्षद्वय ओली र दाहालबीच रोकिएको संवाद खुलाउन तीन नेताहरु लागिपरेका छन् । उनीहरुबीच संवाद टुटेपछि पार्टीका महासचिव एवं अर्थमन्त्री विष्णु पौडेल र संसदीय दलका उपनेता सुवास नेम्वाङ तथा लुम्बिनी प्रदेशमा मूख्यमन्त्री शंकर पोखरेल दाहाल निवास खुमलटार पुगेर संवाद खुलाउने प्रयास गरेका थिए।
दुई अध्यक्षबीचको तिक्तताले पार्टी काम र सरकारी कामलाई समेत प्रभावित पारेपछि संवाद खुलाउन पार्टीकै तीन नेताहरु सक्रिए भएका हुन् । बुधबार पार्टी महासचिव पौडेलले केन्द्रीय कमिटीको बैठक एक महिना पर सार्ने विषयमा छलफल गर्न खुमलटार पुगेका थिए। उनी खुमलटार जानु अघि वालुवाटार पुगेर प्रधानमन्त्री ओलीसँग भेटघाट गरी खुमलटार गएर दाहालको स्वीकृति लिएर केन्द्रीय कमिटीको बैठक एक महिना पर सार्ने सूचना जारी गर्न लगाएका थिए।
एउटालाई च्याप्ने र अर्कोलाई ठोक्ने प्रधानमन्त्री ओलीको व्यवहारबाट नेताहरु आजित छन् । यस्तो अवस्थामा प्रधानमन्त्रीसँग मिलेर प्रचण्डलाई छाड्ने अवस्था छैन। आफूलाई अफ्ठ्यारो परेका बेला बोलाएर छलफल गरेजस्तो गर्ने र सहज भएपछि एकलौटि गर्ने ओलीको प्रवृत्ति नै भएको नेपाल निकट नेताले बताए।
त्यसक्रममा उनले दुइअध्यक्षबीचको संवाद सुचारु गर्न र पार्टी कामलाई निरन्तर रुपमा अघि बढाउन दुवै अध्यक्षलाई आग्रह गरेका थिए। पौडेल खुमलटारबाट निस्केपछि संसदीय दलका उपनेता नेम्वाङ खुमलटार पुगेका थिए। उनले पनि दुई अध्यक्षबीच संवाद सुचारु गरेर स्थायी कमिटीको बैठकले पास गरेको निर्णय अनुसार पार्टी अघि बढ्नु पर्ने बताए थिए।
दसैं अघिबाटै दुई अध्यक्षमा बोलचाल समेत बन्द भएपछि लुम्बिनी प्रदेशका मूख्यमन्त्री शंकर पोखरेल पनि काठमाडौ आएर सक्रिय भएका छन् । उनी विहिबार खुमलटार पुगेर दाहालसँग भेटघाट गरेका थिए। उनीहरुबीच के के विषयमा कुराकानी भयो भन्नेबारेमा केही जानकारी नआए पनि पोखरेलले दुई अध्यक्षबीच संवाद खुलाउने प्रयास गरेका छन् । दुई अध्यक्षबीच पछिल्लो समय टुटेको संवाद सुरू गराउन भरपुर प्रयास भए पनि दााहाल भेटघाटका लागि भने तयार भएका छैनन् ।