जिल्ला प्रशासन कार्यालय काठमाडौंले आम सर्वसाधारणमा अत्यावश्यक नभई घरबाहिर ननिस्कन विशेष अनुरोध गरेको छ ।
कात्तिक ३ गते मंगलबार काठमाडौंका सहायक प्रमुख जिल्ला अधिकारी जीवन प्रसाद दुलालले एक सूचना जारी गर्दै अतिआवश्यक परेमा घरबाहिर निस्कँदा स्वास्थ्य सुरक्षा सम्बन्धी मापदण्डको अनिवार्य पालना गर्न अनुरोध गरेका हुन् ।
कोरोना संक्रमण जोखिम अझ बढ्न सक्ने अवस्था देखिएकोले व्यक्तिगत तथा सामुहिक रूपमा सचेतता अपनाएर जो जहाँ छौं सोही ठाउँमा रहेर चाडबाड मनाउन प्रशासनले आग्रह गरेको हो।
चाडबाडका बेला आवतजावत र भिडभाड हुने भन्दै प्रशासनले काम नपरी घरबाहिर ननिस्कन आग्रह गरेको छ ।
दिनहुँ थपिने कोरोना संक्रमितमध्ये आधाभन्दा बढी काठमाडौं उपत्यकामै भेटिने गरेकोले कोरोनाको जोखिम धेरै रहेको देखिने प्रशासनको भनाइ छ।