नेपाली लेग स्पिनर सन्दीप लामिछाने आबद्ध दिल्ली क्यापिटल्सले युएईमा जारी १३ औं संस्करणको इन्डियन प्रिमियर लिग (आईपीएल) टी–ट्वान्टी क्रिकेटमा शीर्ष स्थानमा रहेतापनि नेपाली दर्शकहरु भने उक्त टीम सँग निरास हुँदै गएका छन् ।
उनिहरु निराश हुनुकध कारण हो, नेपाली स्टार स्पिनर सन्दिप लामिछाने प्लेईङ ईलाभेनमा नपर्नु।
सन्दिप आबद्ध दिल्लीले प्रतियोगितामा ९ खेल खेल्दा ७ वटामा जित निकाल्दै १४ पोइन्टसहित शिर्ष स्थानमा छ।
दिल्लीले ९ खेल खेल्दा समेत नेपाली लेग स्पिनर सन्दीप लामिछाने अहिलेसम्म प्लेईङ ईलाभेनमा परेका छैनन् ।
सन्दीप यस पटक ११ भित्र नपर्नुको कारण हो, टीममा स्पिनर धेरै हुनु। सन्दीपले पहिलो सिजनबाटै दायाँ हाते लेग स्पिनर अमित मिश्रासँग प्रतिस्पर्धा गर्नु परेको थियो। दोस्रो सिजन मिश्रासँगै वायाँ हाते अर्थोडक्स अक्सर पटेल थपिए। दिल्लीमा जारी सिजन अर्का अनुभवी दायाँ हाते अफ स्पिनर रविचन्द्र अश्विन पनि थपिएका छन्।
आश्विन र पटेल आवश्यकता परे ब्याटिङबाट पनि टीमलाई योगदान गर्न सक्छन्। जुन क्षमता तुलनात्मक रूपमा सन्दीपमा कम छ। त्यसकारण पनि सन्दीपलाई टीममा स्थान बनाउन कठिन परेको छ। हुन त औलामा चोट लागेका कारण मिश्राले आईपीएलको बाँकी सिजनबाट आउट भैसकेका छन् । यसका बावजुद सन्दीपले आश्विन र पटेलसँग प्रतिस्पर्धा गर्नु पर्नेछ।
सन्दीपले आईपीएलका पछिल्ला दुई संस्करणमा दिल्लीबाट ९ खेल खेल्दै १३ विकेट लिएका छन्। २०१८ मा तीन खेलमा पाँच विकेट लिएका सन्दीपले २०१९ मा ६ खेलमा आठ विकेट लिएका थिए। उनले अहिलेसम्म २१० बलमा २९२ रन दिएका छन्।
यसैबिच सन् १९८३ को विश्वकप विजेता भारतीय टिमका ओपनर गावस्करले एक अन्तर्वार्ताका क्रममा विश्वभरकै फ्रेन्चाइज क्रिकेट लिग खेलिसकेका युवा लेगस्पिनर सन्दीपलाई खेलाउनु फाइदा हुने भन्दै उनले सन्दीपलाई टिममा राख्न सुझाव दिएका हुन्।
‘उमेरका हिसाबमा सन्दीप युवा नै छन्, तर उनीसँग विभिन्न खाले पिचमा टि–२० क्रिकेट खेलेको अनुभव छ’, गावस्करले भनेका छन्, ‘अझ उनीसँग युएईको पिचका बारेमा राम्रो ज्ञान छ। उनी युएईको पिचमा थुप्रै खेल खेलिसकेका छन्, त्यसैले उनलाई खेलाउनु उपयुक्त हुन्छ।’
सन्दीप लागातार तेस्रो सिजन दिल्ली आईएिल खेल्दै छन्। अघिल्ला दुई सिजन कमैमात्र अवसर पाउँदा पनि सन्दीपले उत्कृष्ट प्रदर्शन गरेका थिए।