कोरोना महामारीले गर्दा जनताहरु २ छाक टार्न पनि मुस्किल भैरहेको छ । अहिले लाखौं श्रमिकले रोजगार गुमाएका छन् । लाखौंको चुलो बल्न छोडेको छ । बहाल तिर्न नसकेर कयौं डेराबाट निकालिएका छन् । सरकारले रोग र भोकबाट आहत नागरिकलाई सिडियो र प्रवक्ताको भरमा छोडिदिएको छ ।
दिनहुँ औषधि खाएर प्राण धान्नुपर्ने दीर्घरोगीदेखि नियमित स्वास्थ्य उपचार पाउन नसकेर मृत्युको मुखमा पुग्न वाध्य अनि गर्भवती महिला, वालवालिकाहरूका बारेमा केही छैन । सडकमा दैनिक खानाको खोजीमा हिडिरहेका नागरिक भेटिन्छन् । खानबहाल तिर्न नसकेर सडक पेटीमै सुतेका नागरिक भेटिन्छन् । उपचार नपाएर अस्पताल जानै नपाइ ज्यान गुमाइरहेका छन्।
यस्तो समयमा जनताबाटै तिरेको करबाटबाट सासंद र जनप्रतिनिधिले दसैं भत्ता लिएको भन्दै आलोचना भइरहेका बेला केही सांसदले फिर्ता गरेका छन् भने केहीले केहीले अन्य प्रयोजनका लागि खर्च गरेका छन्।
सत्तारुढ नेपाल कम्युनिष्ट पार्टी (नेकपा)का नेता भीम रावलले दसैं भत्ता बापत आफ्नो खातामा पठाइएको ६४ हजार ७० रुपैयाँ फिर्ता गरेका छन्। रावलले संघीय संसदका महासचिवलाई निवदेन लेखेर उक्त रकम फिर्ता लिन अनुरोध गरेका थिए।
उनले पाएको रकम कार्तिक महिनाको पारिश्रमिकबाट कट्टी गरिने छ। हालको अवस्थालाई मनन गरि कुनै पनि जनप्रतिनिधिले दसैं भत्ता नलिने व्यवस्था गर्न उनको माग छ। ‘खातामा भत्ताको रकम राखिएको थाहा पाइयो,’ रावलले आइतबार ट्वीटरमा लेखेका छन्, ‘हालको विषम स्वास्थ्य चुनौती र आर्थिक कठिनाइलाई मनन गरी कुनैपनि जनप्रतिनिधिले दसैं भत्ता नलिने व्यवस्था गरियोस्। सांसदहरूले उक्त भत्ता लिनुहुन्न भन्नेमा मेरो समर्थन छ। मेरो खाताबाट रकम कट्टी गर्न मञ्जुरी छ।’
राष्ट्रियसभाका सांसद् समेत रहेका नेकपा प्रवक्ता नारायणकाजी श्रेष्ठले पनि कोरोना महामारीका कारण एक वर्ष कुनै तलबभत्ता नलिने र उक्त रकम राज्य कोषमा जम्मा गर्ने घोषणा गरेका थिए। यस्तै दशैं भत्ता फिर्ता गर्ने निर्णय नेकपाका सासंद गोकर्ण विष्टले पनि गरेका छन् ।
जनार्दन शर्मा भन्छन् : सांसदलाई दसैं भत्ता दिनुभन्दा भेन्टिलेटर किनौं
नेकपाका सांसद जनार्दन शर्माले कोरोना भाइरस (कोभिड- १९)को महामारी चलिरहेको बेला सांसदहरूलाई भत्ता दिने रकम भेन्टिलेटर किन्न लागि खर्च गर्नुपर्ने बताएका छन् । उनले आफूले पाएको दसैं भत्तावापतको रकम एक बिरामीको उपचारमा खर्च गर्ने पनि जानकारी दिएका छन् ।
सांसद शर्माले आफूले पाएको दसैं भत्तावापतको रकम भेन्टिलेटरमा राखेर उपचार गर्नु परेक बिरामीलाई दिने जानकारी दिएका छन् । उनले लेखेका छन्, ‘दसैं भत्तास्वरुप आएको रकम कालिकोटका पूर्व जनमुक्ति सेनाका योद्धा नरेन्द्र बोहरालाई भेन्टिलेटरमा राखी उपचार गर्नु परेकोले उहाँलाई हस्तान्तरण गर्दछु ।’
तिव्र आलोचना भएपछि नेकपाका सासंदबाट रकम फिर्ता गर्ने घोषणा
सत्तारूढ नेपाल कम्युनिष्ट पार्टी (नेकपा) का सांसदहरूले दशैं भत्ताबापत् आएको रकम फिर्ता गर्ने भएका छन्।
संसदीय दलले सबै सांसद र स्वकीय सचिवको खातामा आएको दशैं भत्ता रकम कोरोना भाइरस संक्रमण रोकथाम, नियन्त्रण तथा उपचार कोषमा राख्ने निर्णय गरेको राष्ट्रिय सभामा नेकपाका मुख्य सचेतक खिमलाल भट्टराईले जानकारी दिए। यसबारे थप समाचार तलको लिंकबाट
