नेपालमा गत २४ घन्टामा झण्डै ३८ सय मा कोरोना संक्रमण पाइएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभर १५ हजार ७१४ जनाको नमूना परिक्षण गर्दा काठमाडौं उपत्यकामा २ हजार ३८८ सहित देशभर ३ हजार ७९० जनामा कोरोना पोजेटिभ पाइएको छ ।
योसहित देशभर कूल कोरोना संक्रमितको संख्या १ लाख ३६ हजार ३६ पुगेको छ ।
आज काठमाडौंमा २ हजार ८ भक्तपुरमा ९९ र ललितपुरमा २८१ जनामा कोरोना पुष्टि भएको छ ।
वितेको २४ घन्टामा १८ जनाको कोरोनाबाट निधन भएसँगै यो भाइरसबाट ज्यान गुमाउनेको संख्या ७५७ पुगेको छ ।
त्यस्तै २ हजार ३३५ जना कोरोनामुक्त भएका छन् आजसम्म कोरोनामुक्त हुनेको संख्या ९४ हजार ५०१ पुगेको छ ।
अहिले सक्रिय संक्रमितको संख्या ४० हजार ७७८ पुगेको छ । जसमध्ये २६ हजार ९२६ जना होम आइसोलेशनमा रहेका छन् भने १३ हजार ८५१ जना संस्थागत आइसोलेशनमा छन् । गम्भिर अवस्थाका २८२ जनालाई आइसीयूमा र ६३ जनालाई भेन्टिलेटरमा उपचार भैरहेको मन्त्रालयले जनाएको छ ।
अहिलेसम्म १३ लाख ९१८ जनाको परिक्षण भएको छ भने ४ हजार ४७० जना क्वारेन्टिनमा रहेका छन् ।
