काठमाडौं । राष्ट्रिय प्रजातन्त्र पार्टी (राप्रपा) अध्यक्ष कमल थापा ओम अस्पताल भर्ना भएका छन् ।
बुधबार कोरोना संक्रमण पोजिटिभ देखिएका थापालाई ज्वरो आउनुका साथै श्वासप्रश्वासमा केही असहज भएपछि शुक्रबार अस्पताल भर्ना गरिएको हो ।
उनको अहिले आईसीयूमा उपचार भइरहेको अस्पतालले जनाएको छ । अस्पतालका अनुसार अहिले उनमा ज्वरो नियन्त्रणमा आउनुका साथै श्वासप्रश्वासमा देखिएको समस्या कम भएको छ ।