खोटाङको दिप्रुङ चुइचुम्मा गाँउपालिकामा १५१ कार्यकर्ता नेकपामा प्रवेश गरेका छन् ।
नेपाली काँग्रेस र जनता समाजवादी पार्टीका १५१ जना नेता तथा कार्यकर्ता सत्तारुढ दल नेकपाल कम्युनिष्ट पार्टी (नेकपा) प्रबेश गरेका हुन्।
काँग्रेसका नेता रमेश राई, सुवास प्रधान र जनता समाजवादी पार्टीका ईश्वर कटुवाल, नेपाल महिला सङ्घकी प्रमिला थापा सहित १५१ जना काँग्रेस र समाजवादी पार्टीका कार्यकर्ता नेकपा प्रवेश गरेका नेकपा दिप्रुङ चुइचुम्मा गाउँपालिकाका इन्चार्ज चर्चबहादुर विश्वकर्माले बताए ।
काँग्रेस र समाजवादी पार्टी परित्याग गरी नेकपा प्रवेश गर्ने नेता तथा कार्यकर्तालाई नेकपाका केन्द्रीय सदस्य एवम् प्रतिनिधिसभा सदस्य विशाल भट्टराई र नेकपाकै केन्द्रीय सदस्य एवम् प्रदेशसभा सदस्य रामकुमार राई ‘पासाङ’ लगायतले फुलमाला र अबिर लगाएर स्वागत गरेका थिए ।
कार्यक्रममा नवप्रवेशी नेता तथा कार्यकर्तालाई शफत ग्रहण गराउनुहुँदै प्रमुख अतिथि भट्टराईले पार्टीको नीति तथा निर्देशनमा रहेर जनताको हितमा काम गर्न आग्रह गरे ।
कोरोना संक्रमण फैलिरहेको समयमा धेरै मान्छे जम्मा गरेर पार्टी प्रवेश गराएको भन्दै जिल्लामा केही विरोधका स्वरहरु पनि सुनिन थालेका छन् ।