संयुक्त राज्य अमेरिकामा कोभिड १९ का संक्रमितको संख्या झण्डै ८३ लाख पुगेको छ ।
जोन हप्किन्स विश्वविद्यालयले प्रकाशन गरेको पछिल्लो तथ्यांकअनुसार अमेरिकामा कोभिड संक्रमितको संख्या ८२ लाख ८८ हजार २७८ पुगेको हो ।
विश्वमा सवैभन्दा धेरै संक्रमित र ज्यान गुमाउनेको संख्यामा अमेरीका शीर्ष स्थानमा रहेको छ ।
त्यहाँ अहिलेस्मम २ लाख २३ हजार ६४४ जनाको कोरोनाको कारणले ज्यान गइसकेको छ ।
कोरोना संक्रमितमध्ये ५३ लाख ९५ हजार ४०१ जना कोरोनामुक्त भएका छन् भने २६ लाख ६९ हजार २३३ जना सक्रिय संक्रमित रहेका छन् । तीमध्ये १५ हजार ३१८ जनाको अवस्था गम्भिर रहेको बताइएको छ ।
पछिल्लो २४ घन्टामा त्यहाँ ७१ हजार ६८७ नयाँ संक्रमित फेला परेका छन् भने ९२८ जनाले ज्यान गुमाएका छन् ।
पछिल्ला दिनहरुमा उच्च संख्यामा संक्रमितहरु थपिने गरेका छन् ।