विश्वभरीमा एकमात्र स्वाधीन देशको ‘स्वाभिमानी नेपाली’ हूँ म
विश्वकै धरोहर सगरमाथा भएको हिमालको ‘हिमाली नेपाली’ हूँ म
माता सीता जन्मेकी पवित्र धाम जनकपुरको ‘भैया नेपाली’ हूँ म
छिमेकी राष्ट्रका रियलिटी शोहरुमा देशको नाम गर्ने ‘कलाकार नेपाली’ हूँ म
गर्व छ मलाई म नेपाली भएकोमा………………………………………।।१।।
बलभद्रको वीर सन्तान पाँचखाल, काभ्रेको ‘उग्र नेपाली’ हूँ म
महात्मा बुद्ध जन्मेको धरती लुम्बिनीको ‘शान्त नेपाली’ हूँ म
प्राकृतिक सम्पदाको खानी दैलेखको ‘सोझो नेपाली’ हूँ म
जड़ीबूटी र कला संस्कृतिको धनी जुम्लाको ‘कडा नेपाली’ हूँ म
गर्व छ मलाई म नेपाली भएकोमा………………………………………।।२।।
मित्र राष्ट्रको सीमा रक्षा गर्ने बहादुर ‘गोर्खा नेपाली’ हूँ म,
खाड़ीको पोल्ने घाममा काम गर्ने ‘जाँगरिलो नेपाली’ हूँ म,
देशमा आपत पर्दा विदेशबाट सहयोग गर्ने ‘मनकारी नेपाली’ हूँ म,
मुंबईको कोठीहरुमा चौकीदारी गर्ने ‘इमानदार नेपाली’ हूँ म,
गर्व छ मलाई म नेपाली भएकोमा………………………………………।।३।।
पूर्व मेची देखि पश्चिम महाकाली सम्म धाऊंने ‘परिश्रमी नेपाली’ हूँ म
मातृभूमिलाई अगाध माया गर्ने नेपाल आमाको छोरो ‘राष्ट्रप्रेमी’ नेपाली हूँ म
परिवार र देशको माया मारी बाध्यताले विदेशिएको ‘एनआरएन नेपाली’ हूँ म
क्रिकेट खेलमा मिहिनेत गरी देशलाई विश्वमा चिनाउने ‘युवा नेपाली’ हूँ म
गर्व छ मलाई म नेपाली भएकोमा………………………………………।।४।।
आफ्नो जागिर छोड़ी, देशका लागि रंगशाला बनाउने ‘साहसी नेपाली’ हूँ म
दुर्गम क्षेत्रका गरीब निमुखाका लागि अस्पताल बनाउने ‘दयालु’ नेपाली’ हूँ म
चार दशक सम्म परिश्रम गर्दै दु:खीको अनुहारमा हाँसो ल्याउने ‘मह नेपाली’ हूँ म
साँस्कृतिक प्रयासले देशको एकतालाई बलियो बनाउने ‘इन्द्रेणी नेपाली हूँ म
गर्व छ मलाई म नेपाली भएकोमा………………………………………।।५।।