बलिउडमा स्टार किड्सको प्रवेश कुनै नयाँ कुरा होइन । पछिल्लो दुई वर्षमा ईशान खट्टर, सारा अली खान, जान्हवी कपूर र अनन्या पाण्डे जस्ता स्टार किडले डेब्यू गरिसकेका छन् ।
यही क्रममा अब नयाँ स्टार किड्स पनि बलिउडमा पाइला चाल्नका लागि तम्तयार छन् । सञ्चारमाध्यममा आएका समाचारलाई मान्ने हो भने शाहरुख खानकी छोरी सुहाना खानदेखि लिएर सुनिल सेठ्ठीका छोरा अहान सेठ्ठीसम्म आधा दर्जन स्टार किड्स तयारी अवस्थामा छन् ।
लण्डनको आर्डिगली कलेजबाट ग्रेजुएसन गरेपछि हाल सुहाना खान न्यूयोर्क युनिभर्सिटीबाट पढाई अगाडि बढाइरहेकी छन् । सुहाना हालै मात्र एक सर्ट फिल्म ‘द ग्रे पार्ट अफ ब्ल्यू’मा देखिएकी थिइन् । यो फिल्मलाई उनकै कक्षाका एक साथीले छायांकन गरेका थिए । आफ्नो पढाई पुरा गर्नासाथ सुहानाले बलिउड यात्रा शुरु गर्ने बताइएको छ ।
अभिनेता सञ्जय कपूरकी छोरी शनाया कपूरको बलिउड प्रवेशको अनुमानले अहिले बजार तताएको छ । गत वर्ष शनायाको मिल्ने साथी अनन्या पाण्डेले बलिउडमा डेब्यू गरेकी थिइन् ।
शनायाले हालै मात्र आफ्नो भान्जी जान्हवी कपूरको फिल्म ‘गुन्जन सक्सेना’मा सहायक निर्देशकका रुपमा बलिउडमा डेब्यू गरेकी थिइन् । शनाया अभिनेत्री बन्न चाहन्छिन् । त्यहीकारण उनी चाँडै नै ठूलो पर्दामा आउने तयारीमा छिन् ।
अनन्याकी साथी शनायाको जस्तै उनको कजिन अहान पाण्डे पनि बलिउडमा डेब्यू गर्ने तयारीमा छन् । अहान यशराज फिल्मस्को एक बेनामे फिल्मका लागि फाइनल भइसकेका छन् । तर यो विषयमा हाल आधिकारिक घोषणा भइसकेको छैन ।
बलिउडमा अन्नाका नामले प्रख्यात अभिनेता सुनील सेठ्ठीका छोरा अहान सेठ्ठी फिल्म ‘तड्प’बाट बलिउडमा डेब्यू गर्ने तयारी गर्दैछन् । यो फिल्म दक्षिण भारतीय फिल्म ‘आरएक्स १००’ को रिमेक हुनेछ । जसमा अहानको अपोजिटमा तारा सुतारिया देखिनेछिन् ।
अभिनेत्री जान्हवी कपूरकी बहिनी खुशी कपुर पनि चाँडै नै बलिउडमा डेब्यू गर्दैछिन् । जान्हवीको जस्तै खुशीलाई पनि करण जोहार क्याम्पले बलिउडमा सार्वजनिक गर्दैछ । खुशी हालका दिनमा न्यूयोर्कमा अभिनय कक्षा लिइरहेकी छन् ।
