नेपालमा वितेको २४ घन्टामा ३ हजार ७ सय भन्दा बढीमा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभर १६ हजार ५९८ जनाको नमूना परिक्षण गर्दा काठमाडौं उपत्यकामा १ हजार ९३५ सहित देशभर ३ हजार ७४९ जनामा कोरोना संक्रमण पुष्टि भएको छ ।
योसहित नेपालमा कूल कोरोना संक्रमितको संख्या १ लाख २१ हजार ७४५ पुगेको छ । गत माघ ९ गते चीनबाट फर्किएका एक व्यक्तिमा पहिलो पटक नेपालमा कोरोनाभाइरस सङ्क्रमण पुष्टि भएको थियो।
गत २४ घन्टामा काठमाडौं जिल्लामा १ हजार ६९२ भक्तपुरमा १३४ र ललितपुरमा १०८ गरी उपत्यकामा तीन जिल्लामा १ हजार ९३५ जनामा कोरोना पुष्टि भएको गौतमले बताए ।
आज निको हुनेको संख्या पनि उच्च रहेको छ । मन्त्रालयका अनुसार ३ हजार ५६४ जना कोरोनामुक्त भएर घर फर्केका छन् । अहिलेसम्म कोरोना मुक्त हुनेको संख्या ८४ हजार ५१८ पुगेको छ ।
वितेको २४ घन्टामा १९ जनाले कोरोनाको कारण ज्यान गुमाएका छन् । यीसहित अहिलेसम्म ज्यान गुमाउनेको संख्या ६९४ पुगेको छ ।
अहिले सक्रिय संक्रमितको संख्या ३६ हजार ५३३ रहेको छ । जसमध्ये संस्थागत आइसोलेशनमा १२ हजार ३३९ जना छन् भने २४ हार १९४ जना होम आइसोलेशनमा बसेका छन् ।
