नेपालमा सोमबार ४ हजार भन्दा बढीमा कोरोना संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार देशभर १४ हजार ५३० जनाको नमूना परिक्षण गर्दा काठमाडौं उपत्यकामा २ हजार २८३ सहित देशभर ४ हजार ७७ जनामा कोरोना संक्रमण देखिएको छ ।
योसहित नेपालमा कूल संक्रमितको संख्या १ लाख ११ हजार ८०२ पुगेको छ ।
आज काठमाडौं जिल्लामा १ हजार ८८८ भक्तपुरमा १८८ र ललितपुरमा २७७ जनामा कोरोना पुष्टि भएको हो ।
आज थप ९ जनाको निधन भएको छ । अहिलेसम्म कोरोनाबाट ज्यान गुमाउनेको संख्या ६४५ पुगेको छ भने ७२ हजार २७७ जना निको भएका छन् पछिल्लो २४ घन्टामा १ हजार ४७३ जना निको भएका हुन् ।
अहिले सक्रिय संक्रमितको संख्या ३३ हजार ८८० पुगेको छ जसमध्ये १९ हजार ९५७ जना होम आइसोलेशनमा रहेका छन् भने १३ हजार ९२३ जना संस्थागत आइसोलेशनमा रहेको मन्त्रालयले जनाएको छ ।