पर्यटनमन्त्री योगेश भट्टराईको कोरोना संक्रमण भएको भोलिपल्ट शिक्षामन्त्रीलाई कोरोना संक्रमण देखिएको छ ।
शिक्षा, विज्ञान तथा प्रविधिमन्त्री गिरिराजमणि पोखरेललाई आइतबार कोभिड –१९ सङ्क्रमण देखिएको हो ।
मन्त्री पोखरेललाई पछिल्लो परीक्षणमा कोरोना पोजेटिभ देखिएको हो । मन्त्री पोखरेलका स्वकीय सचिव पुरन केसीले केही दिनदेखि मन्त्री पोखरेलको सम्पर्कमा रहेका सबैलाई सतर्क र सुरक्षित रहन अनुरोध गरेका छन् ।
सकारका मन्त्रीलाई कोरोना देखिएको यो दोस्रोपटक हो । शनिबार पर्यटनमन्त्री योगेश भट्टराईमा कोरोना संक्रमण देखिएको थियो ।
आइतबार नेपालमा थप २ हजार भन्दा बढीमा कोरोना संक्रमण देखिएको छ ।
योसहित नेपालमा कूल कोरोना संक्रमितको संख्या १ लाख ७ हजार ७५५ पुगेको छ । जसमध्ये ६३३ जनाको निमन भएको छ भने ७५ हजार ८ सय ४ जना कोरोनामुक्त भएर घर फर्किसकेका छन् ।
पछिल्लो २४ घन्टामा १ हजार ५५२ जना निको भएका छन् भने २२ जनाको निधन भएको छ ।