आज काठमाडौं उपत्यकामा २ हजार ५ सय भन्दा बढी कोरोना संक्रमित भेटिएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार काठमाडौं उपत्यकाका तीन जिल्लामा २ हजार ५ सय ४० जनामा कोरोना पुष्टि भएको हो ।
आज भेटिएका मध्ये काठमाडौं जिल्लामा २ हजार ८४, ललितपुरमा ३ सय २० र भक्तपुरमा १ सय ३५ जनामा कोरोना पुष्टि भएको हो ।
नेपालमा दैनिक कोरोनाले नयाँ रेकर्ड कायम गरिरहेको छ ।
हिजो ३ हजार ४ सय ३९ संक्रमित भेटिएर नयाँ रेकर्ड कायम भएको थियो भने सो रेकर्ड आज नै तोडिएको छ । वितेको २४ घन्टामा नेपालमा ४ हजार ३ सय ६४ जनामा कोरोना पुष्टि भएको छ ।
यो संख्या अहिलेसम्म भेटिएको सर्वाधिक संख्या हो । यसअगाडी बुधबार अगाडी २ हजार ७ सय भन्दा बढीमा संक्रमण भेटिएको थियो ।
योसहित नेपालमा कूल कोरोना संक्रमितको संख्या ९८ हजार ६ सय १७ पुगेको छ ।
त्यस्तै थप २ हजार ६ सय ७५ जना कोरोनामुक्त भएर घर फर्केका छन् । योसहित निको हुनेको कूल संख्या ७१ हजार ३ सय ४३ पुगेको छ ।
वितेको १ हप्तामा मात्रै काठमाडौं उपत्यकामा १० हजार बढीमा कोरोना संक्रमण भेटिएको हो ।
विगत २४ घण्टामा १८ हजार ४ सय ७३ वटा नमुनाको परीक्षण भएको मन्त्रालयका प्रवक्ता डा. जागेश्वर गौतमले बताए।
अहिलेसम्म नेपालमा ७१ हजार ३ सय ४३ जना सङ्क्रमित निको भइसकेका छन्।
यो सङ्क्रमितको कुल सङ्ख्याको ७२.३ प्रतिशत हो।
गम्भीर लक्षण भएका २ सय ३५ सङ्क्रमित सघन उपचारमा र ४२ जना भेन्टिलेटरमा भएको मन्त्रालयले जनाएको छ।
अहिले देशभरि २६ हजार ६ सय ८४ जनामा सक्रिय सङ्क्रमण छ।
तीमध्ये १४ हजार ९ सय ६७ जना घरमा र बाँकी ११ हजार ७ सय १७ जना संस्थागत आइसोलेशनमा छन्।