कुर्सी तोडफोड कांग्रेसको नीति र संस्कृति विपरीत छ : प्रवक्ता शर्मा

नेपाली कांग्रेसका प्रवक्ता विश्वप्रकाश शर्माले प्रदेश नम्बर ५ को प्रदेश सभामा आफ्नो दलका सांसदले गरेको व्यवहार गलत भएको बताएका छन् ।

सामाजिक संजाल ट्विटरमार्फत प्रवक्ता शर्माले कुर्सी तोडफोड नेपाली कांग्रेसको नीति र संस्कृति विपरीत भएको बताएका हुन् । ट्विटरमार्फत प्रवक्ता शर्मा लेख्नछन् “प्रदेश ५ को संसदमा ३ सांसदले गरेको कुर्सी तोडफोड नेपाली कांग्रेसको नीति र संस्कृति विपरीत छ ! रोस्ट्रम भांच्नेदेखि संसदीय पद्धतिनै नास्छौं भन्ने कम्युनिस्ट पार्टीहरुलाई समेत रुपान्तरण गर्ने प्रशिक्षक रहेको दलका सांसदलाई पार्टीको संस्कृति उलंघनको स्वायत्तता विल्कुलै दिइएको छैन l”

सोमबार प्रदेश नम्बर ५ को प्रदेश सभा बैठकमा नेपाली कांग्रेसका तीन सांसदले कुर्सी र टेबल तोडफोड गर्ने, माइक भाँच्ने लगायतका गतिविधि गरेका थिए । उनीहरुले प्रदेश पाँचको प्रस्तावित राजधानी दाङको भालुवाङ फेर्नुपर्ने बताउँदै आएका छन् ।

कूर्सी तोडफोडमा संलग्न तीन मध्येका एक नेपाली कांग्रेसका पाँच नम्बर प्रदेशसभा सदस्य वसीउद्दिन खाँले लोकतन्त्र बचाउन, संसदीय मर्यादा कायम राख्‍न तोडफोडमै उत्रनु परेको प्रतिक्रिया दिएका छन् ।

एक अनलाइनसँग संक्षिप्त कुरा गर्दै खाँले प्रदेश सरकारले दुई तिहाइको दम्भ देखाउँदै प्रदेशको स्थायी मुकाम र नामाकरणको प्रस्ताव अघि सारेपछि आफू निरुपाय भएको प्रतिक्रिया दिए ।

खाँले सोमबार दिउँसो प्रदेश पाँचको संसद् बैठक सुरु हुनेबित्तिकै उठेर कुर्सी, टेबल तोडफोड सुरु गरेका थिए । उनले अमर्यादित, अराजक गतिविधिको गरेको भन्दै विरोध–निन्दा भइरहेको छ । संसदीय गरिमाको मानमर्दन भएको टिप्पणी भइरहेको छ ।

प्रदेश ५ को प्रदेशसभामा पाखुरा सुर्किदै टेबल र कुर्सी फुटाइयो पूरा भिडियो

अन्तिम पटक अध्यावधिक गरिएको: सोमबार, असोज १९ २०७७ १९:५७:००
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।

प्रतिक्रिया दिनुहोस

सम्वन्धित समाचार

सबै