कोरोना संक्रमणको जोखिम बढेको भन्दै विराटनगर महानगरपालिकाका तीनवटा सामुदायिक विद्यालयहरुमा शुरु गरिएको पढाई बन्द गरिएको छ ।
स्वास्थ्य सतर्कता एवं भौतिक दुरी कायम राखेर विराटनगरको सत्य नारायण उच्च माध्यमिक विद्यालय, जनपथ माध्यमिक विद्यालय र बाल निम्न माध्यमिक विद्यालयले विद्यार्थीहरुलाई उपस्थित गराएर नै पढाउन शुरु गरेका थिए ।
विराटनगर महानगरपालिकामा कोरोना संक्रमण अत्यधिक बढेको र करिब १ हजार २ सय कोरोना संक्रमितहरु होम आईसोलेशनमा बसेका कारण विद्यार्थी उपस्थित गराउनु जोखिमपूर्ण भएकाले पठनपाठन बन्द गर्न लगाइएको मोरङका प्रमुख जिल्ला अधिकारी कोशहरि निरौलाले बताए ।
सामुदायिक विद्यालयहरुले शिक्षा विज्ञान तथा प्रविधि मन्त्रालयले जारी गरेकेा विद्यार्थी सिकाई सहजीकरण निर्देशिका २०७७ अनुसार नै पर्ढाई संचालन गर्दै आएको बताएका छन् ।
स्वास्थ्य र्सतर्कता अपनाएर भौतिक दुरी कायम गरेर पढाउने तयारी गर्दै गर्दा कारवाही गरिने जानकारी आएपछि पठन पाठन बन्द गरिएको जनपथ माध्यमिक विद्यालयका प्रधानाध्यापक हरि पराजुली बताउँछन् ।
निजी विद्यालयहरुले प्रविधिको प्रयोग गरेर विद्यार्थीहरुको पठनपाठन सुचारु गरिरहेको भएपनि सामुदायिक विद्यालयका विद्यार्थीहरुसँग प्रविधि र उपकरणको अभावमा पढ्न पाएका छैनन् ।
