नेपाली कांग्रेसका नेता धनराज गुरुङ्गले निशुल्क पीसीआर परिक्षण नगर्ने बताएका छन् ।
पार्टी कार्यालय सानेपामा नेपाली कांग्रेस केन्द्रीय समितिको बैठकको लागि सबै केन्द्रीय पदाधिकारी तथा सदस्यहरुको पिसिआर परिक्षणको व्यवस्था गरिएको थियो । तर जनताले महङ्गो शुल्क तिरेर पनि समयमा पिसिआर परिक्षण गर्न नपाएकाले मैले पनि यो सुबिधा प्रयोग गर्दिनँ भन्दै पार्टीले उपलब्ध गराएको पिसिआर परिक्षण बहिष्कार गर्ने निर्णय गरेको उनले बताए ।
सामाजिक सञ्जाल फेसबुकमा एक स्टाटस लेख्दै गुरुङ्ग भन्छन् “जनता पिसिआर परिक्षणको लागि हस्पिटलको छिंडीमा दिनरात लाईनमा बस्नु पर्ने अबस्था रहेकोले नेपाली कांग्रेस बैठकलाई मध्यनजर गरि केन्द्रीय कार्यालयले उपलब्ध गराएको पिसिआर परिक्षणमा म उपस्थित नहुने जानकारी सचिवालयलाई गराई सकेको छु। लोकतन्त्रमा नेता र जनताको बिच कुनै बिभेद हुनु हुँदैन”
पछिल्लो समयमा टेकुमा कोरोना परिक्षणको लागि आम मानिसहर रातभरी लाइन बसेका समाचार विभिन्न सञ्चारमाध्यममा सार्वजनिक भएका थिए ।
अपडेट : सानेपाका पीसीआर परिक्षण गरिएकामध्ये अर्जुन नरसिंह केसीसहित ४ जनामा कोरोना पोजेटिभ पाइएको छ ।
