पूर्वस्वास्थ्य मन्त्रि तथा नेपाली काग्रेसका नेता गगन थापाले २० दिन देखि अनशनरत डा केसीको स्वास्थ्य अवस्था गम्भिर बन्दै जाँदा पनि सरकारले केही कदम नउठाएकोमा चिन्ता व्यक्त गरेका छन् ।
सामाजिक सञ्जाल ट्विटरमा थापा लेख्छन् “२० दिनदेखि अनशनरत डा.केसीको स्वास्थ्य अवस्था गम्भीर बन्दै गएको छ।सरकार मस्त निद्रामा छ।सरकारलाई न जनताको स्वास्थ्यको चिन्ता छ न डा.केसीको जीवनरक्षाको,चिन्ता छ केवल सांसद र मन्त्री कसलाई बनाउने।त्यसैले नागरिकतहबाट जहाँ छौं त्यहीँबाट भनौं-डा.केसीको जीवन रक्षा गर! सहमतिको पालना गर!”
२० दिनदेखि अनशनरत डा.केसीको स्वास्थ्य अवस्था गम्भीर बन्दै गएको छ।सरकार मस्त निद्रामा छ।सरकारलाई न जनताको स्वास्थ्यको चिन्ता छ न डा.केसीको जीवनरक्षाको,चिन्ता छ केवल सांसद र मन्त्री कसलाई बनाउने।त्यसैले नागरिकतहबाट जहाँ छौं त्यहीँबाट भनौं-डा.केसीको जीवन रक्षा गर!
सहमतिको पालना गर!— Gagan Thapa (@thapagk) October 3, 2020
भदौं २९ गते जुम्लाको चन्दननाथ नगरपालिका-६ रानिचौरमा रहेको बाविरा मन्दिरमा १९औँ सत्याग्रहको सुरुवात गरेका थिए । भदौं २९ देखि अनशनमा रहेका केसीको स्वास्थ्य अवस्था कमजोर हुँदै गएपछि असोज ६ गते उपचारका लागि काठमाडौं ल्याइएको थियो ।
त्यसपछि उनले त्रिवि शिक्षण अस्पताल महाराजगन्जमै सत्याग्रह गरिरहेका छन् । उनको स्वास्थ्य अवस्था जटिल बन्दै गए पनि सरकारले अहिलेसम्म वार्ताको कुनै पहल गरेको छैन ।
उनको अवस्था बुझ्न पूर्वराष्ट्रपति रामवरण यादव, पूर्वप्रधानमन्त्री डा बाबुराम भट्टराई समेत शिक्षण अस्पताल पुगिसकेका छन् ।
पछिल्लो समय सरकारले डा केसीको जिवनरक्षाको बारेमा केही नगरेको भन्दै सरकारको विरोधका स्वरहरु सुनिन थालेको छ । सरकारका प्रवक्ता प्रदीप ज्ञवालीले अहिलेको समय सत्याग्रह गर्ने नभएकाले फिर्ता लिन आग्रह गरेका थिए । मन्त्रि ज्ञवालीले मन्त्रिपरिषद् बैठकका निर्णय सार्वजनिक गर्ने क्रममा भनेका थिए “देश संकटमा छ। कोरोना विरुद्धको लडाइमा जुधिरहेका धेरैलाई हामीले गुमाएका पनि छौं। यस्तो बेला अनसन र हडताल राम्रो विषय भएन। अरु मागमा पछि पनि छलफल गर्न सकिन्छ। सरकार डा केसीलाई अनसन फिर्ता लिन आग्रह गर्छ।”