दुर्घटना नामै काफी छ, यो कसैले जानी जानी गर्दैन, दुर्घटना हुँदा कहिलै एक तर्फी क्षति हुदैन, हो त चोट मेरो साथिलाइ पनि लागेको थ्यो तर किन ? उसले जानी जानि बाइक लगेर ठोकेको पनि त थिएन, साइलक सिक्दै गरेको बच्चा थियो साथी सङ्ग ठक्कर खान आएको, यति कुरामा त्यो साथि खुसी थियो कि बच्चाको ज्यानलाइ केहि भएन, खुट्टामा चोट लागेको थ्यो, प्लसटर गरेर पछि सबै ठिक भयो ।
खै त्यो दिनको घटना अझै मेरो मानसपटलमा आइरहन्छ जुन बिना गल्ती सजाए भोग्न बाध्य भयो मेरो साथी, साइकल सिक्ने बच्चा आउँछ बाइक सङ्ग ठोकिन्छ, प्रहरी हरु आउछन बाइक वाला लाई समातेर लगेर जान्छन, टाढै देखि सजग हुन सकेन त्यो साथी, किन कि त्यो साइकल सिक्ने बच्चा १४-१५ बर्षको थियो, अनि ड्राइभिङ सेन्टरको गाडी जस्तै तेस्मा कुनै बुझ्न सकिने कुरा पनि त लेखेको थिएन, प्रहरी आए मोटरसाइकल लगेर गए उस्को पनि त मोटरसाइकल मा क्षती भएको थियो, अनि उस्लाइ लगेर गए ।
समस्या यो हैन कि उस्लाइ लगेर गए, साझको ५/६ बजेको थियो होला, जाडोको समय भएकाले अलि अलि अधेरो भैसकेको थियो, उस्लाइ र उस्को मोटरसाइकल जि प्र का पुर्याइयो । उस्को सबै बिवरण लिए । बाकी कुरा अब अहिले हुन्न डिएसपी /एसपी साप गैसक्नु भो भोलि बिहान मात्र कुरा हुन्छ भनेर एक रात थुनामा राख्ने निर्णय गरेछन् ।
सबै सामान बाहिर नै मागेर राखेछन, पर्स, मोबाइल, बेल्ट जुत्त सबै बाहिर नै राख्न लगाएछन । भित्र ४ वटा कोठा रहेछन, ती ४ कोठामा लगभग १०० भन्दा बढी कैदिहरु थिए रे, भित्र पुगेछ अनि सबैले ताली पिटेर स्वागत गरेछन रे, अनि नयाँ मान्छेलाइ अर्को कोठा बोलाएछन, त्यो भित्र पनि पुरै दादागिरी चल्ने रैछ, भित्र पुगे पछि इन्ट्री फि मागेछन उस्ले सबै पैसा बाहिर नै छोडेर गएको थियो, पैसा छैन भन्दा हात छोड्न आएछन तर अरुले बचाएछन । त्यत्रो त्यो भिडमा खुट्टा टेक्न सम्म ठाउँ थिएन रे ।
अनि अचम्मको कुरा नेपालको कानुन कस्तो रैछ ? त्यो भित्र कस्ता कस्ता कैदी थिए त भनेर सुनाउँदा म अचम्म परे र यो लेख्न बाध्य भएको हो ।
ज्यान मा-रेर आएको पनि त्यही ठाउँमा, अनि ड्र-ग सहित समातेको नि त्यही ठाउँमा समान्य झगडामा समातेको नि त्यहीँ भित्र अनि चामल चोर्ने पनि त्यहीँ भित्र छ, पैसा चोर्ने पनि त्यहीँ, एउटा चामल चोर र ज्यान मा-रेर गएको मान्छे कसरी एकै ठाउँमा राख्न मिल्छ ?
त्यो चामल चोर र त्यो ड्र ग ल्याएर बेच्ने एकै बर्गको मान्छे हो ?
भनाइको मतलब यो हो कि अपराध हेरेर अलग अलग राख्न सक्ने ठाउँ बनाउन किन नसक्या ? त्यो चामल चोर्ने मान्छे मार्ने झ गडा गर्ने अनि दुर्घटना भनेको एकै प्रकारको अपराध हो र ? यसरी त सानो अपराध गर्ने मान्छेलाइ अझै ठुलो अपराध गर्न उत्साहित गरेको जस्तो लाग्दैन ? यस्मा कानुननबिद हरुले केही भन्दैनन् ?
कि त सबै अपराध समान हुन ? हुन त्यो साथी अर्को दिन बिहान ८ बजे नै बाहिर आइसक्यो तर जुन भित्रको ब्यथा सुनियो नि त्यो अपराध कम गर्न हैन अपराध सिकाउने थलो हो कि जस्तो लाग्यो ।
यसअगाडी चक्र खडायतले लेखेको बाइकमा लिफ्ट माग्ने केटी शीर्षकको कथा धेरै पाठकहरुले मनपराउनुभएको छ । तपाइले उक्त कथा पढ्न छुटाउनुभो कि ?
