वास्तु शास्त्रको नियम अनुसार सहि दिशामा निर्माण भएकाे किचनले राम्राे स्वस्थ्य र सुमधुर सम्बन्ध प्रदान गर्दछ । जसमा महत्त्वपूर्ण विषय रहनेछ किचनकाे दिश र ग्यासकाे पाेजिसन । वास्तु अनुसार किचन निर्माण गर्दा दुई ओटा कुरालाई विशेष ख्याल गरि निर्माण गर्नु पर्दछ । पहिलाे हावाकाे दिशा र दाेस्राे ग्यासकाे पाेजिसन । खाना बनाउने समयमा आगाेबाट कार्वन मनाेअक्साईड नामक ग्यास निस्किरहेकाे हुन्छ जुन रंगहिन र गन्धहिन ग्यास खाना खाने र पकाउने दुबैकाे शरीरमा जानू हुदैन । यही कुरालाई ख्याल गरेर किचनकाे निर्माण गर्नु पर्दछ ।
यदि तपाईंको घरमा उत्तर या उत्तर पूर्व दिशामा किचन छ भने विशेषगरी मान प्रतिष्ठा बढुवा तथा आर्थिक समस्या सदैब भैरहनेहुन्छ ।
यदि दक्षिण दिशामा बनाईएकाे किचन छ भने बिमारी तथा स्वस्थ्यमा समस्या भैरहने हुन्छ विशेषगरी महिला वर्गमा यस्ताे समस्या देखा पर्दछ । किनकि दक्षिण दिशालाई शुक्र ग्रहले कन्ट्रोल गरिरहेकाे हुन्छ र शुक्र ग्रह स्त्री कारक ग्रह भएकाले महिला वर्गमा यस्ताे समस्या देखा पर्दछ ।
दक्षिण पश्चिम (नैरित्य काेण) दिशा पारिवारिक सम्बन्धकाे दिशा भएकाले यदि उक्त दिशामा बनाईएकाे किचनकाे प्रभाबले विशेषगरी श्रीमान श्रीमती तथा पारिवारिक सम्बन्ध सुमधुर नहुनुका साथै अन्य सदस्य हरुसंगकाे सम्बन्ध पनि कमजाेर हुने गर्दछ ।
घरकाे उत्तर पश्चिम (वायव्य काेणमा) बनाईएकाे किचनका कारणले आर्थिक समस्याका साथै खाना धेरैभएर दैनक फाल्नुपर्ने अवस्था आउने गर्दछ ।