सरकारले अमेरिकाको राजदूतमा युवराज खतिवडालाई नियुक्त गर्ने सिफारिस गरेको छ।
आज बसेको मन्त्रिपरिषद बैठकले पूर्वअर्थमन्त्रीसमेत रहेका प्रधानमन्त्रीका आर्थिक सल्लाहकार खतिवडालाई अमेरिकाका लागि नेपाली राजदूत नियुक्त गर्न सिफारिस गरेको हो।
नेकपाको सचिवालयमा पार्टी उपाध्यक्ष वामदेव गौतमलाई राष्ट्रिय सभामा लैजानुपर्ने पक्षमा बहुमत पुगेपछि ओलीले खतिवडालाई विषेश आर्थिक सल्लाहकार नियुक्त गरेका थिए।
त्यसैगरी मन्त्रिपरिषदले आजै मुख्य सचिवबाट राजीनामा दिएका लोकदर्शन रेग्मीलाई बेलायतका लागि राजदूत नियुक्त गर्ने सिफारिस गरेको बालुवाटार स्रोतले बतायो । खतिवडाको कार्यकाल कात्तिक ११ गतेसम्म बाँकी थियो।
राष्ट्रपतिले खतिवडा र रेग्मीलाई राजदूत नियुक्त गर्नुअघि संसदीय समितिले सरकारको सिफारिस अनुमोदन गर्नुपर्नेछ। त्यसका लागि संसदले चाँडै नै सुनुवाइ प्रक्रिया सुरू गर्नेछ।
मुख्यसचिवमा भने आजै मन्त्रिपरिषदले परराष्ट्र मन्त्रालयका सचिव शंकरदास बैरागीलाई नियुक्त गर्ने निर्णय गरेको छ।
प्रधानमन्त्रीका प्रमुख आर्थिक सल्लाहकार डा. युवराज खतिवडालाई अमेरिकाका लागि नेपाली राजदूत सिफारिस गरिएको एक मन्त्रीले जानकारी दिए । त्यस्तै नयाँ मुख्यसचिवमा परराष्ट्र सचिव शंकरदास बैरागीलाई नियुक्त गरिएको छ । परराष्ट्र सेवाबाट मुख्य सचिव हुने वैरागी पहिलो व्यक्ति हुन् ।
मुख्यसचिव रेग्मीको कार्यकाल यही कात्तिक ३ मा सकिँदैथियो । त्यस्तै, परराष्ट्रसचिव बैरागी पनि असोज २२ बाट सेवानिवृत्त हुँदैथिए ।
निजामति सेवा ऐन २०४९ अनुसार मुख्य सचिवका रुपमा तीन वर्ष र सचिवका रुपमा पाँच वर्ष काम गर्न पाउने व्यवस्था छ । उमेर हद भने सबैका लागि ५८ वर्ष नै रहने व्यवस्था छ ।
खतिवडाको नियुक्तिसँगै सामाजिक सञ्जाल खासगरी ट्विटरमा विभिन्न टिकाटीप्पणीहरु आइरहेका छन् । पत्रकार नरेन्द्र रौले ट्विटरमा लेख्छन् “राजनीतिक कनेक्सन भयो भने मानिस कहाँबाट कहाँ पुग्छ भन्ने राम्रो उदाहरण यो भन्दा अरु के होला ? महामहिम युवराज अमेरिकाका लागी नेपाली राजदुतमा नियुक्त ! अर्थमन्त्री, राष्ट्रियसभामा राष्ट्रपतिबाट मनोनित सांसद, प्रधानमन्त्रीमा मुख्य आर्थिक सल्लाहकार ।गणतन्त्रका भाग्यमानि युवराज !”
राजनीतिक कनेक्सन भयो भने मानिस कहाँबाट कहाँ पुग्छ भन्ने राम्रो उदाहरण यो भन्दा अरु के होला ? महामहिम युवराज अमेरिकाका लागी नेपाली राजदुतमा नियुक्त ! अर्थमन्त्री, राष्ट्रियसभामा राष्ट्रपतिबाट मनोनित सांसद, प्रधानमन्त्रीमा मुख्य आर्थिक सल्लाहकार ।गणतन्त्रका भाग्यमानि युवराज ! pic.twitter.com/VaOP3DDnkv
— Narendra Raule (@NRaule) October 1, 2020