साताको दोस्रो दिन सुनको मुल्य स्थिर रहेको छ ।

हिजो आइतबारको तुलनामा आज सुनचाँदीको मुल्यमा केही परिवर्तन भएको छैन ।

आज छापावाल सुन प्रतितोला ९३ हजार ३ सय, तेजावी सुन प्रतितोला ९२ हजार ८ सय र चाँदीको मुल्य १ हजार १ सय ५० मा कारोबार भएको नेपाल सुनचाँदी व्यवसायी महासङ्घले जनाएको छ ।

असोज महिनामा तोलाको ९७ हजार २ सय सम्म पुगेको सुनको मुल्य झरेर ९३ हजार १ सय सम्म आइपुगेको थियो ।

असोज महिनाको ५ गते सुनको मुल्य ९७ हजार २ सय कायम भएको थियो उक्त मुल्य नै यो महिनाको सर्वाधिक मुल्य हो भने ८ गते ९३ हजार १ सय मा कारोबार भएको सुनको मुल्य यो महिनामा अहिलेसम्मकै कम मुल्य हो ।