दुर्गा केहि कुरामा श्रीमान सन्तोष लाई गाली गर्दै थिइन: अझै कहिलेसम्म आमाको पछ्यौरी पक्डिएर बसिरहन्छौ अब त ठूलो हौ, केहि कामसाम गर !
७ बर्षिय छोरा राकेश ले सबैकुरा सुनिरहेको थियो , उसले बुबाको वरिपरि घुमेर हेर्यो तर बुबाले कुनैपनी चिजलाई पक्रीएका थिएनन् ।
ममिको रिस लाई देखेर कुनै पनि कुरा सोध्ने हिम्मत गरेन , दौडिएर हजुरबुबा हुने ठाउँ गयो
हजुरबुबा आमाको पछेउरी भनेको के हो
हजुर बुबा – आमाको पछ्यौरी त जादुमय हुन्छ
नाति – कसरी ? हजुरबुबा
जब सानो बच्चा आमाको काखमा हुन्छ आमाको पछ्यौरी उसको लागि सिरक बन्छ… काहिँ खेलेर घर आउँछ तब पसिना पुछ्न र नुहाइ’सकेपछी कपाल पुछ्न तौलिया पनि बन्छ…
साच्चै
जाडोमा नाक पुछ्न र खाना खाइ’सकेपछी हात पुछ्ने रुमाल पनि बन्छ
नाति – वाउ
घाम छेक्ने छाता बन्छ र धेरै गर्मी हुने समय पंखा पनि बन्छ
नाति – यस्तो पनि हुन्छ र हैन होला
लौ मेरो आमाको पछेउरिमा त सानो A.T.M पनि हुने गर्थ्यो । कहिलेकाहीँ बजारबाट आउने समय पछेउरिको टुप्पोमा चकलेट पनि हुन्थ्यो ।
घाँस दाउरा मेलापात बाट घर आउदा पछ्यौरीको टुप्पोमा अम्बक, अमला, रोटिको टुक्रा, मकैभट्मास पनि हुन्थ्यो मेरो लागि ।
नाति राकेश शिर हल्लाउँदै के हो ATM
थाहा छ राकेश मैले काम बिगार्दा, भनेको नमान्दा, नपढ्दा, होमवर्क नगर्दा, त्यो बेला बुबाको गाली बाट पनि मेरो आमाको पछ्यौरी ले नै मलाई बचाउने गर्थ्यो ।
नाति राकेश धेरै पुलपुलिएर हजुर बुबा, हजुरबुबा मलाई पनि आमाको पछ्यौरी देखाइदिनुन
जहिलेपनी जिन्स र टिसर्ट लगाइ राख्ने बुहारी तिर हेर्दै हजुरबुबाले भने: तर राकेश,आजभोलिका आमाहरू सँग पछ्यौरी नै हुँदैन
आधुनिक जमनाले गर्दा छोराछोरिले आमाको शरीरको एक छेउ पछ्यौरी हुन्छ भन्ने पनि थाहा हुन छाडिसक्यो । कतिपय अहिलेका छोरी बुहारीलाई सारी लगाउन समेत आउदैन । पश्चिमेली देखासिकी ले नेपाली कल्चर धरासही हुँदै गएको आभास हुन थालेको छ ।
सन्तोष कार्कीको फेसबुकबाट