फिल्ममा कलाकारहरुले फाइटको दृश्य भन्दा पनि रोमान्टिक दृश्यमा बढी मजा लिन्छन् । तर उनीहरु रोमान्टिक दृश्यमा यति डुब्छन् कि निर्देशकले ‘कट’ भनेको पनि सुन्दैनन् ।
बलिउडका केही फिल्मका कलाकारले चुम्बन दृश्य यसरी दिएका छन् कि फिल्मको सुटिङमा निर्देशकको ‘कट’ आउदा पनि उनीहरु रोकिएनन् ।
दर्शकलाई कलाकारहरुले कसरी रोमान्सका सिन दिन्छन् भन्ने लाग्नेगर्छ । सुटिङको क्रममा पनि अधिकांस मानिसको ध्यान सुटिङ गरिरहेका कलाकारमा हुन्छ ।
तर कतिपय कलाकार रोमान्स सिनका क्रममा लजाउने गार्हो मान्ने गरेको समाचार बाहिरिने गर्छन । तर कतिपय अवस्थामा भने केहि कलाकार भने त्यस्तो रोमान्स सिनमा आफूलाई रोक्न सक्दैनन् र निर्देशकको ‘कट’ भनेपछि पनि पनि बेवास्ता गर्दै लगतार सिनमा लिप्त नै हुन्छन् ।
अभिनेता टाइगर श्राफ र अभिनेत्री ज्याकुलिन फर्नान्डिजले फिल्म ‘फ्लाइङ जेट’मा एक रोमान्टिक दृश्य दिएका छन् । जुन दृश्यको सुटिङको समयमा यी दुई कलाकार यति डुबेकी निर्देशकले ‘कट’ भन्दा पनि क्यामराको अगाडि चुम्बन गरिरहे । यो कुरा फिल्मका निर्देशक रेमो डिसूजाले एक अन्तरवार्तामा बताएका थिए ।
अभिनेत्री ज्याकुलिनलाई अर्को फिल्ममा पनि यस्तै भयो । अभिनेता सिद्धार्थ मल्होत्रासँग फिल्म ‘जेन्टलमेन’को सुटिङमा पनि चुम्बन दृश्य थियो । त्यो दृश्यमा पनि उनीहरुले निर्देशकको निर्देशनलाई सुनेनन् । एकापसको चुम्बनमा नै डुबिरहे ।
फिल्म ‘ये जवानी है दिवानी’को समयमा अभिनेता रणवीर कपूर र एवलिन शर्माको हर्कत पनि माथिका कलाकारको जस्तै देखियो । उनीहरु पनि निर्देशकले कट भनिरहँदा पनि त्यसप्रति ध्यान नदिई एकअर्काको चुम्बनमा मस्त रहे ।
रुसलान मुमताज र चेतना पाण्डेको चुम्बन कम लोकप्रिय रहेन । फिल्म ‘आइ डन्ट लभ यू’का मुमताज र चेतना प्रेम जोडी रहे पनि फिल्मले सफलता पाएन । तर उनीहरुको चुम्बन दृश्य भने सदाबहार लोकप्रिय रहयो । यो दृश्यमा रुसलान चेतनाको चुम्बनमा यति डुबे कि उनले चेतनाको ज्याकेटको चेन नै खोलिदिए । त्यसपछि सुटिङ सेटको माहौल नै परिवर्तन भएको थियो ।
अभिनेत्री माधुरी दिक्षित र अभिनेता विनोद खन्नाले फिल्म ‘दयावान’मा सँगै काम गरेका थिए । यो फिल्ममा दुईबीच एक रोमान्टिक दृश्य थियो । त्यो रोमान्टिक दृश्यमा उनीहरु यति रोमान्टिक बनेकी माधुरीको ओठ नै काटिएको थियो । अभिनेता विनोद खन्ना र अभिनेत्री डिम्पल कपाडियाबीच पनि यस्तै घटना भयो ।
फिल्म ‘प्रेम प्रतिज्ञा’को सुटिङका समयमा अभिनेता रन्जीतले अभिनेत्री माधुरी दिक्षितलाई बला त्कार गर्नुपर्ने दृश्य थियो । यो दृश्यमा माधुरी यति डराइन् कि उनले रन्जीतलाई आफूलाई नछुनका लागि चेतावनी नै दिनुपर्यो ।
अभिनेत्री जया प्रदालाई पनि यस्तै समस्या आइलाग्यो । अभिनेता दिलिप ताहिलले एक दृश्यको सुटिङमा जयालाई यति दह्रो पक्रिए कि जयाले उनलाई थप्पड नै हिर्काउनु परेको थियो । जसकारण सुटिङ सेटमा सन्नाटा छायो ।