साताको पहिलो दिन सुनचाँदीको मुल्यमा गिरावट आएको छ ।
शुक्रबार ९३ हजार ९ सय मा कारोबार भएको सुनको मुल्य आज तोलामा ६ सय रुपैंयाले गिरावट आएको हो ।
शनिबार सुनचाँदीको नयाँ मुल्य निर्धारण नहुने भएको हुनाले शुक्रबार कायम भएको मुल्यमा नै कारोबार हुने गरेको छ ।
आज छापावाल सुन प्रतितोला ९३ हजार ३ सय र तेजावी सुन प्रतितोला ९२ हजार ८ सय मा कारोबार भएको नेपाल सुनचाँदी व्यवसायी महासङ्घले जनाएको छ ।
चाँदीको मुल्यमा पनि सामान्य गिरावट आएको छ । शुक्रबारको तुलनामा चाँदीको मुल्य तोलामा १० रुपैंया घटेर ११ सय ५० मा कारोबार भएको महासङ्घले जनाएको छ ।